तडजोड

तडजोड

जीवनगाणे गाता गाता

आवडते बेधूंद जगणे

नव्या दिशांना धुंडाळत

स्वप्न सोनेरी उरी जपणे

जीवनचक्राभोवती फिरते

आशा नि निराशेचे पाते

कधी होते सर्व मनाजोगे

कधी अपयश मना ग्रासते

अपेक्षाभंग झाला जीवनी

म्हणून जगणे संपत नाही

मनात ठेवून आशेचा किरण

प्रयत्नाने मिळेल सर्वकाही

परिस्थिती आणि नाती जपावी

आपणच थोडी तडजोड करावी

जीवननौका पार करण्यासाठी

सयंम नि श्रद्धेची कास धरावी

अपेक्षांच्या ओझ्याखाली दबून

अनमोल जीवन जावू नये व्यर्थ

जमेल तेथे करुन थोडी तडजोड

क्षण आनंदाचे बनवावे सार्थ!!!

स्मिता मुराळी, सोलापूर