હૈયા મહીં

પ્યારના રંગોજ રમતા દીઠા જગે,

ને  હસી  તેને  રમાડું  હૈયા  મહીં,

હેત  મારા ચીતરું ભીંના શબ્દથી,

ને મઢું પ્યારા રંગોથી હૈયા  મહીં.

 

માંડને ઓ પવન વાતો તું વસંતની,

છે જ મારે ડોલવું બસ હૈયા  મહીં,

જાત  મારે  ઢાળવી  છે  રેતી  પટે,

છે  સમાવું  લહર સંગે  હૈયા  મહીં.

 

રાહ જોઉં બારણે પળપળ માપતાં,

ભાવમાં ડૂબી જ  ભાળું  હૈયા મહીં,

કેમ  ઝરણાંઓ  કહું તમને  વાતડી,

ખળખળ ઉછળતી રમે એ હૈયા મહીં.

 

ગાય ગીતો નયન મારા  ફૂલો  બની

‘દીપ આજે ઝગમગે તવ હૈયા  મહીં

પ્યારના રંગોજ રમતા દીઠા જગે,

ને  હસી  તેને  રમાડું  હૈયા  મહીં.