તું આવીશ ને...?
તું આવીશ ને...?
અફાટ-અટૂલો મેં'રામણ મારી આંખોમાં,
સહેલ-હોળી લઇ તું આવીશ ને ?
અમાસ-ઘન તિમિર મારી આંખોમાં,
ઉષ્માદિપ લઇ તું આવીશ ને ?
ઝાંખી ઘૂમ્મિલ તારી છબી મારી આંખોમાં,
સુરેખ આકાર લઇ તું આવીશ ને ?
ઇન્તઝાર-સરોવરની પાળ મારી આંખોમાં,
મધુર મિલન પળ લઇ તું આવીશ ને ?
રણ ભરીને તરસ તાપે મારી આંખોમાં,
શીત-તૃપ્તિ રસ લઇ તું આવીશ ને...?
યાદે, દર્દે છલકે આંસુ મારી આંખોમાં,
મમતા-રૂમાલ લઇ તું આવીશ ને ?
ગઝલના મીઠા બોલ લખ્યાં મારી આંખોમાં,
રાગ-સુર-તાલ નવા લઇ તું આવીશ ને ?