શકમાં પ્રેમ છૂપાયેલ છે
શકમાં પ્રેમ છૂપાયેલ છે
રંજ નથી મને કે તને મારા પર શક છે
કારણ તારા શકમાંજ છૂપાયેલ તારો પ્રેમ છે,
દુઃખ નથી મને કે હું ક્યાં જઉં છું
એ મારે તને કહેવાનું હોય
કારણ
હું ક્યાં જઉં છું એ જાણવાની તારી ઈચ્છામાં
છૂપાયેલ તારો પ્રેમ છે,
તકલીફ નથી મને કે હું નેટ ચાલુ બંધ કરું
દર વખતે મારે તને કહેવાનું હોય છે
કારણ
હું તને છોડી નહિ દઉં એ ડર તારો
એમાં છૂપાયેલ દેખાય છે,
હેરાનગતી નથી મને
વોટ્સએપ કરું હું ત્યારે તને કારણ કહેવામાં
કારણ
તું મને ખોઈ નહિ દેને ! એવો
મને ગુમાવવાનો તારો ડર એમાં છૂપાયેલ દેખાય છે,
ગુસ્સો જરા પણ નથી મને
તું જ્યારે પૂછે ત્યારે કે કોનો ફોન હતો
બીઝી ટોન હતો !
કારણ કે
તારા મનમાં રહેલ અખૂટ પ્રેમ એમાં છૂપાયેલ દેખાય છે,
દુઃખ નથી મને તું મને જ્યારે કહે
તારો ફોટો ડીપીમાં ન રાખ
કારણ કે
તારા હૃદયમાં રહેલ
જલનમાં છૂપાયેલ પ્રેમ છેે,
તકલીફ નથી થતી મને જ્યારે
તું મને પૂછે કોઈ સાથે વાત નહીં કરે ને !
કારણ કે
તારા શકમાંજ તારો છૂપાયેલ તારો પ્રેમ છે.