ગૃહિણી
ગૃહિણી
તું આખો દી કરે છે શું ?
આવું સાંભળે
એ ગૃહિણી,
સવાર ના ૬ થી રાત ૧૦
સુધી વગર પગારે કામ કરે
એ ગૃહિણી,
બધાંની જરૂરિયાત સાંભળવામાં
પોતાને ભૂલી જાય
એ ગૃહિણી,
દરેકને ગરમ જમાડી
સૌથી છેલ્લે જમવા બેઠી હોય
એ ગૃહિણી,
વધેલું જો પાઉંભાજી હોય
તો બધા ભાગ પાડી ખાય
ઠંડી રોટલી જે ખાય
એ ગૃહિણી,
પૈસા જરૂરથી વધુ માગી
એજ પૈસાની ખાનગી રીતે બચત
જેના દ્વાર થાય
એ ગૃહિણી,
નોકરીમાં અઠવાડિયે
એક દિવસ રજા હોય
૩૬૫ દિવસ કામમાં હોય
એ ગૃહિણી,
જેની ક્યારે પણ
કદર ન થાય
એ ગૃહિણી,
ઓફિસથી આવો
ત્યારે જેના રાહ જોઈ રહેલ
દરવાજે નયન હોય,
બહારથી આવી
તુરંત રસોડામાં જાય
એ ગૃહિણી,
ઘરમાં કોઈ પણ માંદુ પડે
નર્સ બની સેવા
જેના દ્વારા થાય
એ ગૃહિણી,
કહે તો છે
આખું ઘર જેનું ઘર ઋણી હોય
એ એટલે ગૃહિણી,
પણ ખરેખર જોઈએ તો
ઘરમાંથી કોઈને પણ
એની હયાતીમાં જેની
કદર જ ન થાય
એટલે ગૃહિણી.