ક્યારે આવીશ ?

થઈ આંખોની કાળાશ હવે ભીની,

પાંપણે ત્યજયો છે પલકારો,

નજરો ચોટી છે દરવાજે,

સૂના નયને પૂછ્યું રસ્તાને ક્યારે આવીશ ?

આજ છે ઇંતઝાર રાહોને,

કોઈ સથવારે તો કોઈ સંગાથે,

હું ફરું યાદોના સંગાથે,

સૂના નયને પૂછ્યું તને ક્યારે આવીશ ?

હળવેથી તું આવજે હૈયામાં,

કરજે મીઠો આલાપ કાનમાં,

રોમ-રોમ ખીલી ઊઠે મારૂ ભાનમાં,

આંખોના ખારા પાણીએ પૂછ્યું ક્યારે આવીશ ?

ચિઠ્ઠીના શબ્દોમાં છે તું,

મુજ કલમની અણીમાં છે તું,

શબ્દોની તરલતમાં છે તું,

મુજ સંદેશા એ પૂછ્યું તને ક્યારે આવીશ ?