ઈચ્છા

ઈચ્છાઓનો માળો ગુંથું,

આશાઓથી એને સજાવું,

પ્રેમથી સિંચું ને સવારું,

આળ-પંપાળ તો કર્યા જ કરું,

પણ ખરી છે ને આ ઈચ્છાઓ,

રોજ રોજ પાંગરે નિત નવી,

 હૃદય મન સમા સરોવરમાં,

ને સતત વિસ્તરે ગાંડી વેલની જેમ,

એક પૂરી કરો ના કરો,

બીજી સળવળી આવી જ જાય,

એક કાપો ના કાપો 

બીજી ઉગી જ જાય,

આમ કેમ ચાલશે વિચારું છું,

ગજબનો યક્ષ પ્રશ્ન છે ને,

આમ ને આમ જ ચાલ્યું તો

એક દિવસ હૃદય મન સમુ સરોવર,

સરોવર જ ના રહેશે,

ઈચ્છાઓનું કબ્રસ્તાન બની જશે,

કોઈ પૂરી કોઈ અધૂરી,

તરતી હશે ઈચ્છાની ગાંડી વેલ.