Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Sachidananda Kar

Fantasy Thriller


2.5  

Sachidananda Kar

Fantasy Thriller


ଝିଅଟିଏ ହୋଇଥିଲେ

ଝିଅଟିଏ ହୋଇଥିଲେ

2 mins 241 2 mins 241


ଆମର ଚାଷୀ ଘର କଥା । ଝିଅଟିଏ ପାଇଁ ଆମ ଘରେ ଭାରି ଘୃଣା ଭାବ । ପୁଅ ହେଲେ ହଳ ଧରିବ । ମଇଁଷି ଜଗିବ । ବଣକୁ ଯିବ । .....ସେଥିପାଇଁ ।

ଆମ ଘରେ ଦୁଇଟି ବଳଦ,ଦଶଟି ଗାଈ ଓ ଦୁଇଟି ମଇଁଷି । ମୋତେ ସେମାନଙ୍କ ଦେଖାରଖା କରିବାକୁ ପଡୁଥିଲା । କେତେ ଦିନ ବା ସେପରି କରି ପାରିବି !ତେଣୁ ମୋ ପଛକୁ ମୋର ଗୋଟିଏ ପୁଅ ଆସିବା ଦରକାର ।  - ଏମିତି ଭାବୁଥିଲି ।

ତଥାପି ଝିଅ ପ୍ରତି ମୋ ମନରେ ଘୃଣା ନ ଥିଲା । ଘରେ ମୁଁ ବୁଝାଇ କହୁଥିଲି - ' ବଣକୁ ସିନା ଯାଇପାରିବ ନାହିଁ, ଗୁହାଳ କଥା ତ ବୁଝିପାରିବ ଝିଅ । ତା' ଛଡା ଜନମ,ମରଣ,ବରଷା - ଏକଥା କ'ଣ ଆଗରୁ କହିହେବ ! '

ସ୍ତ୍ରୀଙ୍କର କ'ଣ ପିଲାପିଲି ହେବାର ଥିଲା । ତେଣୁ ଏବେ ପୁଅ,ଝିଅ ପ୍ରସଙ୍ଗକୁ ନେଇ ଖୁବ୍ ଗୋଟେ ଘମାଘୋଟ ଆଲୋଚନା ଆମ ଘରେ ଚାଲିଥିଲା ।

ଆଷାଢ଼ ଚାଲିଗଲା । ଶ୍ରାବଣ ବି ଗଲା । ଭାଦ୍ରବ ମାସ ହେଲା । ସେମାନେ ପୂରା ଅନୁମାନ ଲଗାଇ ଦେଲେ ଯେ ଏଇ ଭାଦ୍ରବ ମାସରେ ହିଁ ମୋ ସ୍ତ୍ରୀ ପିଲା ଜନ୍ମ କରିବ । ଆଉ ଏହାପରେ ଆଲୋଚନା ଟା ଆହୁରି ସରଗରମ ହୋଇଗଲା ।

ସେମାନେ କହିଲେ - ଦେଖ,ଏଇ ଭାଦ୍ରବ ମାସରେ କୃଷ୍ଣ ଜନ୍ମ ହୋଇଥିଲେ । ଯଦି ଜନ୍ମାଷ୍ଟମୀ ରାତିରେ ପୁଅ ଜନ୍ମ ହେଲା, ତେବେ ତ କଥା ସରିଲା । ସେ କୃଷ୍ଣ ହୋଇଯିବ । ମା' କୋଳ ଶୂନ୍ୟ କରି ମଥୁରାକୁ ଚାଲିଯିବ । ଏଠି କୃଷ୍ଣଲୀଳା କରିବ । ଛି.....ଛି !

ଆକାଶରୁ ପାହାଡ଼ ଛିଣ୍ଡି ପଡିଲା ପରି କଥା ଏସବୁ । ଏତେ ସବୁ ଆଗତ କୁହା କଥା ଆଦୌ ଭଲ ନୁହେଁ ବୋଲି ଯେତେ କହିଲେ ବି ସେମାନେ ମୋ କଥା କେହି ଶୁଣିବା ଅବସ୍ଥାରେ ନ ଥିଲେ ।

ବିକୃତ ହୋଇ ଯାଉଥିଲା ସେମାନଙ୍କ ମୁହଁ । ନାକ କୁଞ୍ଚିତ ହେଉଥିଲା । ଯେତେ ସବୁ ଅମଙ୍ଗଳ କଥା ବାହାରୁଥିଲା ମୁହଁରୁ ।  

କୃଷ୍ଣ ଜନ୍ମାଷ୍ଟମୀ ପାଖେଇ ଆସିଲା । ସମସ୍ତେ ଠାକୁରଙ୍କୁ ଡାକିବା ଆରମ୍ଭ କରିଦେଲେ । କହିଲେ - ' ହେ ପ୍ରଭୁ ! ପୂର୍ବରୁ ହେଉ, ନ ହେଲେ ଜନ୍ମାଷ୍ଟମୀ ଗଡିଯାଉ । ଜନ୍ମାଷ୍ଟମୀ ରାତିରେ କେବେ ବି ବୋହୂର କିଛି ନ ହେଉ ।  '

- ' ଦେଖ, ଜନ୍ମାଷ୍ଟମୀ ରାତିରେ ହିଁ ପିଲା ଜନ୍ମ ନେବ । ଏବଂ ତାହା ପୁଅଟିଏ ହେବ । ତା'ର ନାଁ କୃଷ୍ଣ ରହିବ । ବ୍ୟସ୍ତ ହେଲେ କିଛି ହୋଇପାରିବ ନାହିଁ । ଇଏ କ'ଣ ଦ୍ବାପର ଯୁଗ ହେଇଛି ଯେ ସେ ମଥୁରା ପଳେଇବ । ଯାହା ହବ ସବୁ ଏଇଠି ହିଁ ହବ । ଇଏ ପରା କଳିଯୁଗ ।  '

ମୋ କଥା ଶୁଣି ସେମାନେ ଭାବିଲେ ମୁଁ ଯେମିତି ପୋଡା ଘା'ରେ ଲୁଣ ଛିଟା ପକଉଛି । ମୋତେ ଗାଳିଗୁଲଜ ଦେବା ଆରମ୍ଭ କରିଦେଲେ ସମସ୍ତେ । ମୋ ସ୍ତ୍ରୀ ତ ମୋତେ ଘୃଣା ଚକ୍ଷୁରେ ଦେଖିବାକୁ ଆରମ୍ଭ କରିଦେଲା ।

ହେଲେ ମୋ କଥା ସତ ହେଲା । ସତକୁସତ କୃଷ୍ଣ ଜନ୍ମାଷ୍ଟମୀ ରାତିରେ ମୋ ସ୍ତ୍ରୀ ପୁଅଟିଏ ଜନ୍ମ ଦେଲା ।

କୃଷ୍ଣ ଆସିଗଲେ - ମୁଁ ଖୁସିରେ କହିଲି ।

ଝିଅଟିଏ ହୋଇଥିଲେ ବେଶ୍ ଭଲ ହୋଇଥାନ୍ତା - ସେମାନେ ସମସ୍ତେ ନିରାଶରେ କହୁଥିଲେ । 


Rate this content
Log in

More oriya story from Sachidananda Kar

Similar oriya story from Fantasy