Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Pranati Panda

Tragedy

4  

Pranati Panda

Tragedy

ଯୁଗନାରୀ

ଯୁଗନାରୀ

1 min
167



ମମତାରେ ବୋଳା ଜନନୀର ଛାତି

               ବେଦନାରେ ଉଠେ ଥରି ,

ଭାଇ, ଭାଇ ଏଠି  ହଣାହଣି ପରା

                ଅକାଳେ ପଡ଼ନ୍ତି ଝରି ।


ବିଳାପେ ଜନନୀ ଦିନ ହାହାକାରେ

                 ଅସହାୟ ଜନ୍ମ ନାରୀ ,

କି ' ଦୋଷେ ଲାଞ୍ଛିତ ଅବଳା ଜନନୀ

                  ନିତି ଅଭିନୟ କରି ।


ଦୁର୍ଭାଗ୍ୟ ଆଶ୍ରିତ  କପାଳ ନିନ୍ଦିତ

                  କୁଳାଙ୍ଗାର ଜନ୍ମ କରି ,

ପୂତ ନର୍କୁ ଦ୍ଧା'ର ହୁଏ ସର୍ମସାର 

                ଦୁଃଖ ଚାପେ ଛାତି ଧରି ।


ଆପଣାର ରକ୍ତ  ସମ୍ପର୍କ ବିଷାକ୍ତ

                  ଦିଗହଜା ପକ୍ଷୀ ପରି ,

କୁସନ୍ତାନ ପାଇଁ ଜନନୀ କାନ୍ଦଇ

                 ନିତି ଜିଇଁ ନିତି ମରି ।


ନିବିଡ଼ ବନ୍ଧନ ଆତ୍ମୀୟତା ଭାବ

                 ଆଉ ନାହିଁ ଆଗ ପରି ,

ଟିକେ ସ୍ୱାର୍ଥ ପାଇଁ ଭାଇ ଖେଳେ ଆଜି

                 ଭାଇର ରକ୍ତରେ ହୋରି ।


ଏକା ମାଆ ସ୍ତନୁ  କ୍ଷୀର ଖାଇ ପୁଣି

                 ଭାଇ ଭାଇ ମରାମରି ,

କେତେ କାଳ ଆଉ  କାନ୍ଦିବ ଜନନୀ

               ମମତାକୁ କୋଳେ ଧରି ??


କାରଣ ସେ ପରା ଏ ଯୁଗର ଯୁଗନାରୀ.......

       

      

        


Rate this content
Log in