ଉନ୍ମେଷ

ଦିନ ଦଶଟା ପରେ 

ଶୁନ୍ ଶାନ୍ କୋଳାହଳ 

ନିଛାଟିଆ ଖରାବେଳ 

ନୀରବି ଯାଏ ରାସ୍ତା। 

ସମସ୍ତେ ବନ୍ଦୀ ନିଜ ଘରେ 

ଖାଁ ଖାଁ ପରିବେଶ 

ଅଜଣା ଆଶଙ୍କାରେ 

ଭୀତତ୍ରସ୍ତ ମଣିଷ ସମାଜ ।

ବ୍ୟାହତ ଜୀବନ ଯାତ୍ରା 

ଫେରି ପାଇବ ନିଶ୍ୱାସ 

ବିପଦ ସହ ଆରମ୍ଭ ହେବ 

ଆତଙ୍କିତ ଜୀବନ ଯନ୍ତ୍ରଣା। 

ଉତପ୍ତ ନିଦାଘରେ ତ୍ରସ୍ତ 

ପୃଥିବୀ ସ୍ଥାବର ଜଙ୍ଗମ 

ମହାମାରୀ ଭୁତାଣୁର ଆକ୍ରମଣ 

ଏ ବି ଦେହ ସୁଆ ହେବ। 

ପ୍ରକୃତିର ବିପର୍ଯ୍ୟୟ ପାଇଁ 

ଅବିରତ ସଂଗ୍ରାମର ଫଳ 

ଦିବ୍ୟ ସଂରଚନା ବିରୁଦ୍ଧରେ ଯୁଦ୍ଧ 

ପରାଜିତ ବିବେକ ଓ ଚେତନା। 

କାହିଁ କେତେ ଦୂରେ ଅଛି 

ଫଗୁଣ ପରଶ ଏ ଧରାରେ 

ପହଁରି ଯିବ ପ୍ରୀତି ଫଲ୍ଗୁ ଶୀତଳତା 

ଧରଣୀ ବୁକୁରେ ଅତି ଆନନ୍ଦରେ ।