Library
ତୁମ ଦରଶନ ପାଇଁ
ତୁମ ଦରଶନ ପାଇଁ
1 min
207
ଜଳାଇ ପ୍ରଦୀପ କରିଛି ପ୍ରତୀକ୍ଷା
ତୁମ ଦରଶନ ପାଇଁ
ଚାହିଁଛି ମୁଁ ପଥ ହେ ଶ୍ୟାମ ନାଗର
ରାତି ଉଜାଗର ହୋଇ।
ସଞ୍ଜ ପହରରୁ ସଜାଇଛି କୁଞ୍ଜ
ପାଇବାକୁ ତୁମ ଭେଟ
ଛନ୍ଦା ଚରଣେ ମୁଁ ବିକିଛି ପରାଣ
ଜାଣେନା କୁଟ କପଟ।
ତୁମ ବିନା ସବୁ ଅନ୍ଧାର ଦିଶୁଛି
କୁଞ୍ଜବନ ବୃନ୍ଦାବନ
ତୁମ ପ୍ରେମେ ବନ୍ଧା ତୁମ ପ୍ରେମେ ଛନ୍ଦା
ମୋ ହୃଦୟ ମୋର ମନ।
ଆଜି ଏ ରାତିରେ ତୁମରି ସାଥିରେ
ହଜିବି ମୁଁ ବଂଶୀ ସୂରେ
ଆସ ହେ ମୋହନ ଦିଅ ଦରଶନ
(ତୁମ)ପ୍ରୀତି ପାଇଁ ରାତି ଝୁରେ।
