ଆସ ମା ଅବତରୀ

ଜୟ ମା ଦୁର୍ଗେ ଦୁର୍ଗତି ନାଶିନୀ

ଆସ ତୁମେ ଅବତରୀ

ଆସ ଅବତରୀ ଏ ଧରା ଧାମକୁ

କୃପାମୟୀ କୃପାକରି।।

ଘୋର ସଂକଟରେ ପଡ଼ିଛି ସଂସାର

ସାରା ବିଶ୍ବରେ ଯେ ପଡେ ହାହାକାର

ସଙ୍କଟ ନାଶିନୀ ମହିଷାମର୍ଦ୍ଦିନୀ

ଢାଳି ଦିଅ କୃପା ବାରି।

ଆଗମନୀ ତବ ମଙ୍ଗଳ ଗୀତିକା

ଗାଉଛି ପଦେ ସୁମରି

ହୈମବତୀ ମାଗୋ ଶିବାନୀ ଭବାନୀ

ଦିଅ ମୋ ଅଞ୍ଜଳି ଭରି।

ତୁମ ବିନା ଆଉ କେହି ନାହିଁ ସାହା

ଏ ଘୋର ବିପଦେ କରିବାକୁ ଆହା

ତ୍ରୀଶୁଳ ଧାରିଣୀ ଦେବୀ କାତ୍ୟାୟନୀ

ଆସ ବାରେ ଖଡ୍ଗ ଧରି।