ତୁମେ ଓ ମୁଁ
ତୁମେ ଓ ମୁଁ
👩ତୁମେ ଓ ମୁଁ👦
ତୁମେ ବିରହିଣୀ କାବ୍ୟନାୟିକା
ମୁଁ ଅଜଣା ଅଶୁଣା ଲେଖକ,
ତୁମେ ଛଳନା ରାଇଜ ସୁନ୍ଦରୀ
ମୁଁ ନିରୀହ ପାଗଳ ପ୍ରେମିକ ।
ତୁମେ ନୀଳ ସରୋବର କମଳ
ମୁଁ ବାସରେ ଭ୍ରମିତ ଭଅଁର,
ତୁମେ ପ୍ରଳୟକାରିଣୀ ସରିତା
ମୁଁ ଅଲୋଡା ତୁଠର ପଥର ।
ତୁମେ ନିଦାଘ ପ୍ରଖର କିରଣ
ମୁଁ ପୁଙ୍ଗୁଳା ପାଦର ପଥିକ,
ତୁମେ ଶୀତୁଆ ସକାଳ ପବନ
ମୁଁ ଲଙ୍ଗଳା ଭିକାରୀ ବାଳକ ।
ତୁମେ ପରାଜିତ ରାଜକୁମାରୀ
ମୁଁ ଜୀବନ ଯୁଦ୍ଧର ସୈନିକ,
ତୁମେ ନିଷ୍ଠୁର ବିଦେଶୀ ଶାସିକା
ମୁଁ ସାହସୀ ଓଡିଆ ପାଇକ ।
ତୁମେ ଅନେଶତ ମହାବତାସ
ମୁଁ ଧ୍ବସ୍ତ ବିଧ୍ବସ୍ତ ସହର,
ତୁମେ ବାନ୍ଧବୀ ନାମରେ ବଇରୀ
ମୁଁ ପିଇଛି ବିଶ୍ବାସେ ଜହର ।