କେବଳ ନାମେ ତୁମର

ମୟୁର ସୁନ୍ଦର ଅପସରି ଯାଏ

ବର୍ଷା ଫେରିଗଲା ପରେ

ତୁମ ସୁନ୍ଦରତା ଜ୍ଯୋତି ଚମକରେ

ଧରା ଆଲୋକିତ କରେ ।

ତୁମେ ହିଁ ଐଶ୍ଯର୍ୟ୍ଯ ତୁମେ ଅପରୂପା

ତୁମେ ଅସରନ୍ତି ଜ୍ଯୋତି

ଅପୂର୍ବା ଗୋ ତୁମେ ଏ ଧରା ପୃଷ୍ଠରେ

ଚିର ସ୍ମରଣୀୟ ଗୀତି  ।

ଗୋଲାପୀ ଅଧରେ ସ୍ମିତ ହସ ତୁମ

ପ୍ରିତୀର ଲହଡୀ ଭାଙ୍ଗେ

ହରିଣୀ ଆଖିରେ ପ୍ରିତୀ ବାଣ ପେସ

ଭିତି ଯାଏ ମୋର ଅଙ୍ଗେ ।

କେମିତି କହିବି ଆଗୋ ଏ ଶ୍ଯାମଳି

ତୁମେ ମୋ ନିଜର କେତେ

ଶରୀରଟି ସିନା ଅଲଗା ତୁମଠୁ

ହୃଦୟ ତୁମର ସତେ ।

ବୁଣି ଦେଇଗଲ ପ୍ରେମ ମଞ୍ଜି ଆସି

ଟାଙ୍ଗରା ହୃଦୟେ ମୋର

ପ୍ରିତୀ ଜଳ ପାଇ ହୋଇଲାଣି ଚାରା

କେବଳ ନାମେ ତୁମର ।