ଲେଉଟିବ ଯୁଗ
ଲେଉଟିବ ଯୁଗ
ଘନ ଘନ ଆଜ ବନ ଉପବନ
ଭୂକମ୍ପ ଉଠଇ ଯହିଁ
ବିଜୁଳି ଫାଟଇ ସମୁଦ୍ର ଲଙ୍ଗଇ
ଦୁଷ୍ଟଙ୍କ ବିନାଶ ପାଇଁ ।
ଦଶ ଦିଗେ ବଜ୍ର ଉହାଟଇ ଗର୍ଜ
ଧରା ଧରେ ପ୍ରକମ୍ପିତ
ଆସିବେ କି କଳ୍କୀ ଅନ୍ତ ଧ୍ୟାୟ ଜପି
ଧର୍ମ ହେବ ସଂସ୍ଥାପିତ ।
ସୂର୍ଯ୍ୟ ଚନ୍ଦ୍ର ତାର ନଛୁଇବେ ଧରା
ଧରଣୀ ଗାଳିବ ବିଷ
କୋଟି ଉଲ୍କା ଖଣ୍ଡ ଭେଦିବେ ବ୍ରହ୍ମାଣ୍ଡ
ରଚିବେ ସୃଷ୍ଟି ବିନାଶ ।
ସତ୍ୟ ହେବ ନିଶ୍ଚେ ମାଳିକା ର ଲେଖା
କ୍ଷାନ୍ତ ନାହିଁ ପାପି ଆତ୍ମା
ବିନାଶ ଯିବେ ଯେ ସର୍ବ ଗୋଷ୍ଠି ଯେତେ
ବୋଲନ୍ତି ମିଛେ ମହାତ୍ମା ।
ଲେଉଟିବ ଯୁଗ କରିବେ ସେ ଭୋଗ
ସତ୍ୟ ଇନ୍ଦ୍ରିୟ ଯା ପ୍ରାଣେ
ଯୁଗାନ୍ତ ପୁରୁଷ ଓହ୍ଲାଇବେ ଧରା
ପାପ ନରହିବ କ୍ଷଣେ ।