ତୁମେ ଓ ମୁଁ

ଟିକେ ଅଟକିଲେ 

ମନେ ହୁଏ କିଛି କହିବାକୁ

ଟିକେ ଚାଲିଲେ 

ମନେ ହୁଏ କିଛି ଚାଲିବାକୁ

କହିବା ଓ ଚାଲିବା ବ୍ୟବଧାନରେ

ତୁମେ ଓ ମୁଁ .......

କିଛି ଭାବନାର ଶୂନ୍ୟତାରେ

କହି ହୁଏନା ତୁମକୁ

ତୁମେ କ'ଣ ସେହି 

ଶୂନ୍ୟତାର ଭାବନା ମଧ୍ୟରେ.....??

କ'ଣ ଯୋଡ଼ି ହବନି ଆମ ସମ୍ପର୍କକୁ ....??

ଟିକେ ଭାବିଲେ 

ମନେ ହୁଏ କିଛି ଲେଖିବାକୁ

ଟିକେ ଶୁଣିଲେ

ମନେ ହୁଏ କିଛି ଦେଖିବାକୁ

ଲେଖିବା ଓ ଦେଖିବାର ବ୍ୟବଧାନରେ

ତୁମେ ଓ ମୁଁ .....

କିଛି ସ୍ୱପ୍ନର ଶୂନ୍ୟତାରେ

ଧରି ହୁଏନା ତୁମକୁ

ତୁମେ କ'ଣ ସେହି

ଶୂନ୍ୟ ସ୍ୱପ୍ନର ପରି ରାଇଜରେ....??

କ'ଣ ଯୋଡ଼ି ହବନି ଆମ ସମ୍ପର୍କକୁ ....??

ଟିକେ ଚାହିଁଲେ

ମନେ ହୁଏ କିଛି ଆଙ୍କିବାକୁ

ଟିକେ ହସିଲେ

ମନେ ହୁଏ କିଛି ଗପିବାକୁ

ଆଙ୍କିବା ଓ ଗପିବାର ଭିତରେ

ତୁମେ ଓ ମୁଁ.....

କିଛି ଆଶାର ଶୂନ୍ୟତାରେ

ଭାବି ହୁଏନା ତୁମକୁ

ତୁମେ କ'ଣ ସେହି

ଆଶାର ଅପେକ୍ଷାରେ.....??

କ'ଣ ଯୋଡ଼ି ହବନି ଆମ ସମ୍ପର୍କକୁ ....??