ତୁମ ପାଇଁ କବିତା

ତୁମ ସାଥେ ପ୍ରେମ ହେଲା ପରେ

ମୋର କଲମ ଲେଖିଲା ଗୀତ,

ଶିଥିଳତା ଭରିଥିଲା ଏଠି ଏବେ

ପୁଣି ହେଲା ସଂଚରିତ ।

କେଉଁ ରାଇଜର ଯାଦୁଗରୀ ତୁମେ

କି ମନ୍ତର କରିଦେଲ,

ଶୁଷ୍କ ଏହି ମନ ପ୍ରାଣେ ମୋର

ସତେ ସଂଜୀବନି ଦେଇଗଲ ।

କବିତା ଲେଖୁଛି ତୁମ ପାଇଁ ଏବେ

ବୁଝି ପ୍ରେମ ପରିଭାଷା,

ଜାଣି ନ ଥିଲି ମୁଁ ପ୍ରେମରେ ସତେ

ଭରିଥାଏ ଏତେ ନିଶା ।

ନିଶା ନୁହେଁ ସେ'ତ ଆତ୍ମତୃପ୍ତି ମୋର

ମନର ଅକୁହା କଥା,

ନ ଲେଖିଲେ ମନ ହେଉ ନାହିଁ

ଶାନ୍ତି ସବୁ ଆଡେ ନୀରବତା ।

ଜହ୍ନ ତାରା ସାଥେ କଥା ହୋଇ ଏବେ

ରାତି ସାରା ଉଜାଗର,

କବିତା ଲେଖୁଛି ତୁମ ପାଇଁ ସାଥି

ସାଜି ସପନର ସୌଦାଗର ।

ସପନ ରାଇଜ ପରୀ ତୁମେ ମୋର

ଆଗୋ ଲାଜକୁଳୀ ଲତା,

କହିଦିଅ ଆସି ଲେଖିଦେବି ସବୁ

ମନର ଅକୁହା କଥା ।