ଧରିବାକୁ ହେବ ଧୈର୍ଯ୍ୟ

ଆଖିରେ ପଡୁନି ପଲକ ଆଉ ତ

ଭୋକ ବି ଯାଇଛି ହଜି,

ଜଗତ ଠାକୁର ପରଖି ଦେଖିବେ

କେତେ ଧୈର୍ଯ୍ୟ ଅଛି ଆଜି ।

ଦି ଦିନ ତଳେ ହସୁଥିଲା ଯିଏ

ଆଜି ମନ ମାରି ବସିଛି ,

ସତେ କି ପୂର୍ଣ୍ଣିମା ଚାନ୍ଦକୁ ଆଜି

ରାହୁ ଗ୍ରାସ କରି ବସିଛି ।

ପୂର୍ଣ୍ଣିମା ରାତିଟା ଅନ୍ଧାର ହୋଇଛି

ମନ ହେଉଛି ଅସ୍ଥିର,

ସର୍ବ ମୋକ୍ଷ ଯାଏ ରହିବ ଏମିତି

ନିର୍ଦ୍ଦେଶ ଏ ନିୟତିର ।

ମାନିବାକୁ ହେବ ନିୟତିର ଲେଖା

ଯାହା ହେବ ଭଲ ହେବ,

କିଛି କ୍ଷଣ ପରେ ଜହ୍ନ ଝଲସିବ

ଶୀତଳ ଜ୍ୟୋତ୍ସ୍ନା ବି ଦେବ ।

ଭୋକ ବି ଲାଗିବ ନିଦ ବି ଆସିବ

ସବୁ ଠିକ୍ ହୋଇଯିବ,

ଧରିବାକୁ ହେବ ଧୈର୍ଯ୍ୟ କେବଳ

ଦୁଃସମୟ ଚାଲିଯିବ ।