ବିଶ୍ୱାସ ରଖିଛି ମନରେ

ଜଣେ ଭଲ ଯୋଦ୍ଧା 

ବୋଲି କେହି ଜଣେ

ଜୀବନକୁ ମୋ କଥା କହିଛି 

ସେଥିପାଇଁ ନିୟମିତ ଭାବେ

ଜୀବନରେ ଲଢ଼ିବାକୁ ହେଉଛି ।

ଜୀବନଟା କେତେ ଯେ ବିଚିତ୍ର

ଏବେ ମୁଁ ଜାଣୁଛି 

ସମସ୍ୟା ପରେ ସମସ୍ୟା ଆସି

ଅତିଷ୍ଠ କରୁଛି ।

ମଝି ଦରିଆରେ ବହୁଅଛି ଆଜି

ପବନ ଅଣଚାଶ 

ହଁ ନାହିଁ ମଝିରେ ଚାଲୁଅଛି

ନିଃଶ୍ୱାସ ପ୍ରଶ୍ୱାସ ।

ତଥାପି ବାନ୍ଧିଛି ଆଶା

ନ ହୋଇ ନିରାଶ 

ଗୋଲେଇ ଚକରେ ବୁଲି

ଖୋଜୁଅଛି ଆଦ୍ୟ ଆଉ ଶେଷ ।

ଭୀଷ୍ମ ପ୍ରତିଜ୍ଞାରେ ଅଟଳ ମୁଁ

ଆଜି ଛାଡେ ଦୀର୍ଘଶ୍ୱାସ 

ତଥାପି ହାରିନି ଲଢ଼ୁଅଛି

ନେଇ ଜିତିବାର ଆଶ ।

ବଞ୍ଚି ରହି ସଂସାରରେ

କରୁଅଛି ହିସାବ ନିକାଶ 

କିଏ ଜାଣେ କେତେବେଳେ

ହେବ ଏହା ପୁଣି ଶେଷ ।

ରଥୀ ଓ ସାରଥୀ ଆଜି ମୁହିଁ

ଜୀବନ ଯୁଦ୍ଧରେ  

ଜିତିବି ନିଶ୍ଚେ ବି ଦିନେ

ଏ ବିଶ୍ୱାସ ରଖିଛି ମନରେ ।