ଜୀବନ ଭଙ୍ଗା ଗଢ଼ାର କାହାଣୀ

କେବେ ଦିଏ ଖୁସି କେବେ ଢାଳିଦିଏ ଅସୁମାରୀ ଦୁଃଖ ପୁଣି

ବିଧାତାର ଖେଳ ତାହାକୁ ହିଁ ଜଣା ଆମେ ତ ଖେଳଣା ଜାଣି

ଜୀବନ ଭଙ୍ଗା ଗଢ଼ାର କାହାଣୀ ।

ଫୁଲ ଫୁଟେ ଏଇ ବଗିଚାରେ କେତେ ସମସ୍ତେ ଅଛନ୍ତି ଜାଣି,

କିଏ ପ୍ରଭୁ ପାଶେ କିଏ ତ ଗଭାରେ ସଜା ହୋଇଥାଏ ପୁଣି

କିଏ ଝଡ଼ି ଯାଏ ମଉଳିଲା ପରେ କେହି ନ ପାରନ୍ତି ଜାଣି ।

ଜୀବନ ଭଙ୍ଗା ଗଢ଼ାର କାହାଣୀ ।

ସମୟ ଡୋରୀରେ ବନ୍ଧା ଏଠି ସର୍ବେ ଆସିଲେ ଯିବା ହିଁ ସାର,

କିଏ ଆଗେ ପୁଣି କିଏ ଯିବ ପଛେ ଲେଖିଛି ନିୟତି ଗାର

ଭଲ କାମ କଲେ ରହିଯାଏ ତାହା ହୋଇ ଅମର କାହାଣୀ ।

ଜୀବନ ଭଙ୍ଗା ଗଢ଼ାର କାହାଣୀ ।