ତୁମ କଥା ଭାରି ମନେ ପଡେ
ତୁମ କଥା ଭାରି ମନେ ପଡେ
କହି ହୁଏନାହିଁ ସହି ହୁଏନାହିଁ
ଅଭୁଲା ହୃଦୟ ସ୍ମୃତି
ଲାଗଇ ଶବଦ ଯେମିତି ନୀରବ
ଓଠ ତଳେ ହୁଏ ଚାପି ।
ଅଜାଣତେ ମନ ହୁଏ ଛନ୍ନ ଛନ୍ନ
ସ୍ମୃତି ସୁମଧୁର ପୃଷ୍ଠା
ଖୋଲେ ଗୋଟି ଗୋଟି କହେ ଚୁପିଚୁପି
ସାଥି ସ୍ୱ।ର୍ଥପର ଏକା ।
ଆଖିରେ ନାଚଇ ସବୁଜ ସୁନ୍ଦର
ହସହସ ତୁମ ମୁହଁ
ନିର୍ନିମେଷ ଭାବେ ଚାହିଁ ରହିବାକୁ
ଦିନରାତି ହୁଏ ମନ ।
ଭାରି ଇଚ୍ଛା ହୁଏ ଶୁଣିବାକୁ ତୁମ
କାନେ ମିଠା ମିଠା କଥା
ତୁମ ହାତ ଧରି ତୁମ ପଛେ ପଛେ
ଚାଲିବାରେ ଥାଏ ମଜା ।
ପ୍ରବାସ ଜୀବନେ ବିଚ୍ଛେଦ ଯନ୍ତ୍ରଣା
ବିରହ ବିଧୁର ପ୍ରାଣ
ପ୍ରିୟତମା ତୁମେ ରହିଛ ହୃଦୟେ
ସାଥୀ ଜନ୍ମ ଜନ୍ମାନ୍ତର ।
ତୁମ କଥା ଭାରି ମନେ ପଡେ ପ୍ରିୟା
ଶୟନେ ବା ଜାଗରଣେ
ଲାଗେ ନାହିଁ ଭଲ ତୁମ ବିନା କିଛି
ବଞ୍ଚିବାର ନାହିଁ ମାନେ ।
ହେଉଛି ମୋ ମନ ଲାଗନ୍ତା କି ପକ୍ଷ
ଯାଆନ୍ତି ଆକାଶେ ଉଡି
ସନ୍ତୋଷ ହୁଅନ୍ତା ତୃଷିତ ପରାଣ
ଲଭି ସୁଶୀତଳ ବାରି ।