ନିଦାଘ କାଳ

ହୃଦୟେ ପ୍ରବଳ ନିଦାଘର ଜ୍ୱାଳା 

କୃଷ୍ଣ ପ୍ରେମ ଅନ୍ବେଷଣେ

ଯାଅ ପ୍ରାଣସଖୀ ବେଗେ ଆସ ଦେଖି

ଗହନ କୁଞ୍ଜ କାନନେ ।

ଯାଅ ଚନ୍ଦ୍ରାବଳୀ ଲଳିତା ବିଶାଖା

ନକର ଅଧିକ ଡେରି

କହନ୍ତି ରାଧିକା କରି ଅନୁନୟ

ସ୍ମରି ଦୂତୀ ସହଚରୀ ।

କୃଷ୍ଣ ପ୍ରାଣଧନ ରାଧିକା ବଲ୍ଲଭ

ମୋହନ ମୂରଲୀଧର 

ହୃଦୟ ସନ୍ତାପ ହରନ୍ତି ମାଧବ

ବିକଚ ନବ କମଳ ।

ହରି ରସ ସୁଧା ଶାନ୍ତ ସୁଶୀତଳ 

ଫଳଛାୟା ସମନ୍ଵିତ 

ବିରହେ ରାଧିକା ମାନସୀ ତନ୍ମୟା

ଅନୁରାଗେ ସନ୍ତାପିତ ।

ଅମୀୟ ପୂରିତ ଶ୍ରୀହରି ଚରିତ

ବଟବୃକ୍ଷ ସନ୍ନିଧାନେ

ମିଳୁ ପାଦପଦ୍ମେ ଅଭୟ ଆଶ୍ରୟ

ଚିନ୍ତୁ ମନ ଅନୁକ୍ଷଣେ ।