ଲାଇବ୍ରେରୀ
ପ୍ରୋଫାଇଲ୍
ଆହେ ମୋର ଚକାଆଖି
ଆହେ ମୋର ଚକାଆଖି
1 min
126
ଦେଖିଛି ଦେଖୁଛ ଅଦେଖା ହେଉଛ
ଆହେ ମୋର ଚକାଆଖି
ଦଣ୍ଡୁଛ କାହିଁକି ବିମୁଖ ହୋଇକି
ମୋର କେଉଁ ଦୋଷ ଦେଖି ।
ବିମୁଖ ହେବାର ଇଚ୍ଛା ଯେବେ ଥିଲା
ପ୍ରେମେ ଦେଲ କାହିଁ ଯୋଖି
ଦାରୁବ୍ରହ୍ମ ମୋର ଚାରୁ ରୂପେ ତୋର
ମନ ପୁରା ଗଲା ଲାଖି
ଆଡେଇ ଦିଅନା ଦାସ କୁ ତୁମର
ହୃଦେ ରଖ ନାମ ଲେଖି ।
ଭବ ସାଗର ରୁ ଭାବ ସାଗରକୁ
ନିଅ ମୋତେ ଚକାଆଖି
ନିତ୍ୟ ମୁଁ ସେବିବି ଭୃତ୍ୟ ଟିଏ ହୋଇ
ତୁଳସୀ ଚନ୍ଦନ ମାଖି
ତୁମ ନାମ ଧରି ମୋହନ ମୁରାରୀ
ବୁଜି ଦେବି ମୁହିଁ ଆଖି ।
