ଗ୍ରୀଷ୍ମାଗମନ
ଗ୍ରୀଷ୍ମାଗମନ
ଯାଇଛି ଚଇତ ଆସିଛି ବୈଶାଖ
ହେଉଅଛି ଖରା ଟାଣ
ଗ୍ରୀଷ୍ମ ଆଗମନ ହେଉଛି ସଅଳ
ବିଳମ୍ବ ପ୍ରତ୍ଯାବର୍ତ୍ତନ ।
ବଦଳୁଛି ଏବେ ପୃଥିବୀ ପୃଷ୍ଠର
ପାଣିପାଗ ଋତୁଚକ୍ର
ଦୀର୍ଘ କାଳ ସ୍ଥାୟୀ ଗ୍ରୀଷମ ପ୍ରକୋପ
ଜୀବନଯାତ୍ରା ଅସ୍ଥିର ।
ଜଳୁଛି ଜଙ୍ଗଲ ବଢେ ତାପମାତ୍ରା
ଜଳସ୍ତର ହୁଏ ହ୍ରାସ
ଜଳଟୋପେ ପାଇଁ ଡହଳ ବିକଳ
ଶୋଷେ ପ୍ରାଣ ହାହୁତାଶ ।
ବଢେ ଶିଳ୍ପାୟନ ସହର ନଗର
ରାସ୍ତାଘାଟ ବିନିର୍ମାଣ
ଗଢି ଉଠେ ନିତ୍ଯ ଉଚ୍ଚ ଅଟ୍ଟାଳିକା
ପକ୍କା କଂକ୍ରିଟ କରଣ ।
ତାପଜ ବିଦ୍ୟୁତ ହୁଏ ଉତ୍ପାଦନ
କୋଇଲା ଘନ ଦହନ
ଚଳେ ଅବାରିତ ଯାନ ଓ ବାହନ
ବୃଦ୍ଧିପାଏ ପ୍ରଦୂଷଣ ।
ବରଷା ବିହୁନେ ଶୁଷ୍କ ନଦୀନାଳ
ମୌସୁମୀ ଅନିୟମିତ
ଚାତକ କୃଷକ ଚାହିଁ ଆକାଶକୁ
ମୁଣ୍ଡେ ଦିଏ ତାର ହାତ ।
ଦୁର୍ଦ୍ଦିନ ନିମନ୍ତେ ନିଜେ ହିଁ ମଣିଷ
ଅଟଇ ଉତ୍ତରଦାୟୀ
ବେଳ ଥାଉଁ ଯଦି ନ ହୁଏ ସତର୍କ
ପୃଥ୍ବୀ ଯିବ ଧ୍ବଂସ ପାଇ ।