ଆଗୋ ବିନୋଦିନୀ ମୋର

ସେ କେଉଁ ଉଦ୍ୟ।ନ

କେଉଁ କୁଞ୍ଜଲତା

ଯେଉଁଠୁ ଭାସିଆସେ ସୁବାସିତ

ମଧୁ ସମୀର ?

ସେ କେଉଁ ତଟିନୀ

କେଉଁ ପଦ୍ମ ପୁଷ୍କରିଣୀ

ଧାରେ ଧାରେ ଯା'ର ନାଚିଖେଳେ

ପୁଷ୍ପ ହିଲ୍ଲୋଳ ?

ନାହିଁ ସେ ସକଳ

କେଉଁ ବାହାର ବ୍ୟାପ୍ତିରେ

ନାହିଁ କେଉଁ ଅପହଞ୍ଚ

ଇଲାକାରେ ।

ସେ ସବୁ ରହିଛି

ମୋ ହୃଦ ପ୍ରାନ୍ତରରେ 

ସେଇ ସ୍ନିଗ୍ଧ ଆଲୋକିତ 

କୋଣଟିରେ l 

ସେଇଠି ଫୁଟିଛି

ଶତେକ ଗୋଲାପ,

ଶତେକ 

ମାଳତୀ ସୂର୍ଯ୍ୟମୁଖୀ ।

ସେଇଠି ରହିଛୁ ଆଗୋ

ବିନୋଦିନୀ

ମୋ ଚାନ୍ଦମୁହିଁ

ସରୋଜିନୀ ।