ତମ ପାଇଁ

ଗଡି ଗଡ଼ି ସିନା 

ବୟସ ଚାଲଇ

ଗଡ଼ିଯାଏନା ଆମ ଜୀବନର

ମଧୁମାସ ମଧୁ ବସନ୍ତ

ପ୍ରତିଟି ଦିବସ 

ରଜନୀ ଆମର

ସତେକି ଅନ୍ତରେ ଗାଉଛି 

ପ୍ରୀତି ମହ୍ଲାର ଗୀତ l

ଆସିଥିଲ ଯେବେ 

ମୋ ହୃଦ କାନନକୁ

ବିଞ୍ଚି ଦେଇଥିଲ 

ପ୍ରୀତି ଅନୁରାଗ ମଧୁ ବାସନା

ସେଦିନୁ ଖେଳଇ 

ମୋ ଜୀବନରେ

ପ୍ରେମର ସୁରଭି 

ନନ୍ଦନ ବନ ମଧୁ ସୁଷମା l

ତମେ ସନ୍ଧ୍ୟା  

ମୋର ପ୍ରଭାତୀ ତାରା

ତମେ ଗୋଧୂଳି ପୁଲକ

ତମେ ଉଷାର ଭୈରବୀ ରାଗ

ଆଜି ଏଇ 

ପବିତ୍ର ଲଗନେ

ମୁଁ ତମ ପାଇଁ ବାଢ଼େ ଏହି ଗୀତ

ଛନ୍ଦ ଯାର କୃଷ୍ଣଚୂଡ଼ା ଅନୁରାଗ .......।