ହ୍ଵାଟ୍ସ ଆପ୍
ହ୍ଵାଟ୍ସ ଆପ୍
ଖୁବ୍ ଶାନ୍ତିପୂର୍ଣ୍ଣ ଥିଲା ମୋ ଜୀବନ
ଯେ ପର୍ଯ୍ୟନ୍ତ ତମେ ମୋ ବନ୍ଧୁ ହୋଇ ନଥିଲ
ପ୍ରତି ମୁହୂର୍ତ୍ତ ଅନଲାଇନ୍ ଚାଟ୍ କରିବାକୁ
ଅଭ୍ୟାସରେ ପକାଇ ଦେଲ ।
ସର୍ବଦା ଅପେକ୍ଷା କରୁଛି ତମ ମେସେଜକୁ
ଇଚ୍ଛା ମାତ୍ରେ ଦେଖୁଚି ତମ ଡିପିକୁ
ଯେତେବେଳେ ଆସୁଛ ତମେ ଅନଲାଇନ୍
ଅପେକ୍ଷାର ଅନ୍ତ ଖୁସି ଦେଉଛି ମନକୁ ।
ଅନ୍ଧାର ମନରେ ଲାଗୁଛି ଆଲୋକର ପ୍ରବେଶ
ଭାରକ୍ଳାନ୍ତ ମନରୁ ତୁରନ୍ତ ଦୂର ହୁଏ କ୍ଳେଶ
ସ୍କ୍ରିନ୍ ତମ ଫୋଟୋକୁ ଦେଖୁଚି ନିହାରି
ମନ ଚାହୁଁଚି ପ୍ରକଟ ହୁଅ ସମ୍ମୁଖେ ସହସ ।
ସକାଳୁ ଗୁଡ଼ ମଣିଙ୍ଗ୍ ମେସେଜର ଅପେକ୍ଷାରେ
ଦିନଟିକୁ ବିତାଏ ହସଖୁସି ସହ ରାଗ ଅଭିମାନ ଚାଟ୍
ରାତ୍ରିର ଗୁଡ୍ ନାଇଟ୍ ମେସେଜ କରେ ଦୁହିଁଙ୍କୁ ଦୂର
ତମ ଛାତିରେ ମୁଣ୍ଡ ରଖି ଶୋଇବାର ଆଶା ରହିଯାଏ ମନରେ ।
ଯେତେବେଳେ ଲାଗୁଛି ଏକୁଟିଆ ନିଃସଙ୍ଗ
ମନେ ପକାଉଛି ତମ ବଦମାସୀ ଆଉ ଦୁଷ୍ଟାମୀ
କେତେ ବେଳେ ଲାଗୁଛ ସାଥୀ ତ କେତେବେଳେ ପ୍ରେମୀ
ସବୁ ସମ୍ପର୍କ ମଧ୍ୟେ ଭଲଲାଗେ ମତେ ତମ ଚଗଲାମୀ ।