ପ୍ରିୟା-୧୮

ଜମ୍ବୁଦ୍ବୀପୁ ଜାମ୍ବବତୀ 

କିଷ୍କିନ୍ଧାରୁ ତାରା ସତୀ

ଲଙ୍କାଗଡ଼ୁ ମନ୍ଦୋଦରୀ 

ଗାନ୍ଧାର ଦେଶୁ ଗାନ୍ଧାରୀ

ପାଞ୍ଚାଳ ରୁ ଯାଜ୍ଞସେନୀ

ମଗଧ ରୁ ସୁକେଶିନୀ

କଳିଙ୍ଗରୁ କାରୁବାକୀ

ବଙ୍ଗ ଦେଶୁ ଚନ୍ଦ୍ରମୁଖୀ 

ମିଶି କଲେ ଇନ୍ଦ୍ରପୁରେ ଗତି ,

ଦେବକନ୍ୟା ଦେବଯାନୀ

ସଚ୍ଚୀ , ଅଦିତି , ରୁକ୍ମଣୀ 

ରମ୍ଭା, ଉର୍ବଶୀ , ମେନକା

ଯେତେ ସବୁ ସୁନାୟୀକା

ଏକ ସ୍ବରେ କଲେକ ଆପତ୍ତି

ସହି ହେଉ ନାହିଁ ଲଜ୍ଜା

ଦେବେ ଆତ୍ମାହୁତି ।

ଇନ୍ଦ୍ରାସନ ଟଳମଳ 

ତ୍ରିଭୁବନ ଅସମ୍ଭାଳ

ବ୍ରହ୍ମା, ବିଷ୍ଣୁ ,ମହେଶ୍ବର

ଯମ , ବରୁଣ , କୁବେର

ସୂର୍ଯ୍ୟ, ଚନ୍ଦ୍ର, ମରୁତ, ମାରୁତି

ସର୍ବ ମନେ ଉଙ୍କିମାରେ ଭୀତି ,

ସୃଷ୍ଟି ହେବ କାଳେ ଏକ

ନୂଆ ଅପକୀର୍ତ୍ତି ?

ତମେ କିନ୍ତୁ ନିରୁତ୍ତର 

ନିରହଂକାର , ନିର୍ବିକାର

ନିର୍ଲିପ୍ତ , ନିଷ୍ପାପ ଆଗୋ ମୌନାବତୀ !

ହେବ କି ନହେବ କୁହ

ମୋ' ଜୀବନ ସାଥୀ ?