ତୁମ ବିରୁଦ୍ଧରେ

ଶବ୍ଦରୁ ସୃଜନ-9: ଦୁର୍ଘଟଣା 

ତୁମ ବିରୁଦ୍ଧରେ ମୋର କିଛି ଅଭିଯୋଗ ନାହିଁ,

ଯେଉଁ ଦୁର୍ଘଟଣା ହେଲା ସବୁ ମୋର ଦୋଷ ପାଇଁ |(ଘୋଷା )

ନେହୁରା ମୁଁ ହୋଇଥିଲି ମାଗିଲା ମାଗିଲା ହାତେ,

ଭରିଥିଲା ମୋ ଆଞ୍ଜୁଳା ଲୋଡ଼ାଥିଲା ଯାହା ଯେତେ |

ଆଜି ମୁହିଁ ନିସ୍ଵ ମଣେ ପାଶେ ତୁମକୁ ନପାଇ |

ତୁମ ବିରୁଦ୍ଧରେ ମୋର କିଛି ଅଭିଯୋଗ ନାହିଁ,

ଯାହା ଅଘଟଣ ହେଲା ସବୁ ମୋର ଦୋଷ ପାଇଁ |(1)

କ୍ଷମାକର କ୍ଷମାକର କ୍ଷମାକର ନିଜେଗୁଣେ,

ଭୁଲିଯାଅ ଜୀବନରେ ଆସିଥିଲା କେହି ଜଣେ |

ମୋର ଯେତେପାପ ନିଜ ଲୁହଧାରେ ଦିଅଧୋଇ |

ତୁମ ବିରୁଦ୍ଧରେ ମୋର କିଛି ଅଭିଯୋଗ ନାହିଁ,

ଯାହା ଅଘଟଣ ହେଲା ସବୁ ମୋର ଦୋଷ ପାଇଁ | (2)