ତୁମ ବିରହେ
ତୁମ ବିରହେ
ପାଖେ ଥିଲ ତୁମେ ଥିଲି ଆନନ୍ଦରେ
ତୁମେ ଗଲାପରେ ପାଖରୁ ଦୁରେଇ
ମନେପଡ଼ ସବୁଦିନ
କଣ୍ଟାର ଶେଯେ ଯେ ଶୁଆଇ ଦେଇଛ
ଚୋରାଇ ନେଇଛ ମୋର ସପନ ।।
ତୁମେ ମୋ ଜୀବନ ମୁଁ ତୁମର ପ୍ରାଣ
ତମେ ଥିଲ ସେତ ପ୍ରୀତିର ଶ୍ରାବଣ
ତମେ ଶୁଣେଇଲ ପ୍ରୀତିର ରାଗିଣୀ
ମନେ ଭରିଥିଲ ବିଶ୍ୱାସ ଚନ୍ଦନ
ପୁଣି କେତେ ମାନ ଅଭିମାନ ।।
ତୁମ ବିନା ଦିନ ରାତି ସବୁ ହିଁ ସମାନ
ଲୁହ ଭିଜା ଆଖି ମାନୁ ନାହିଁ ବୋଲ
ହୃଦୟେ ଭରା ମୋର କେତେ କୋହ
ତୁମ ବିନା ପ୍ରିୟା ବଞ୍ଚିବି କେମିତି
ଝରଇ ଆଖିରେ ଝରଣା ଲୁହ ।।
ତୁମ ବିରହ ବେଦନା ସହି ହେଉ ନାହିଁ
ଭାବି ଭାବି ରାତି ଦିନ
ତୁମ ମୁହଁ ସତେ ଅଦିନିଆ ବତାସୀ ଝଡ଼
ମୋ ମନ ଆକାଶେ ଢାଙ୍କିଛି ଘୋର ଅନ୍ଧକାର
ମନକୁ ବୁଝେଇ ପାରୁ ନାହିଁ ପ୍ରିୟା
ଫେରି ଆସ ପ୍ରିୟା ଆଉଥରେ ସେହି
ଗଢିବା ବିଶ୍ୱାସର ପ୍ରୀତି ନିଡ଼ ।।