ଷଡ଼ଯନ୍ତ୍ର

ଷଡ଼ଯନ୍ତ୍ର ଜୀବନର ଉପଶମ ନୁହେଁ ।

ସାଗର ସଙ୍ଗେ ବେଳାଭୂମିର ସଂପର୍କ

ଯେତିକି ମଧୁର ସେତିକି ଆଘାତ ,

ଠିକ୍ ସେପରି ମାନବ ଚରିତ୍ର

କେହି ଉଗ୍ର ଉତ୍ତାଳ ,ତ କେହି 

କୁସୁମ ପରି ନରମ ।

ତେବେ ଷଡ଼ଯନ୍ତ୍ରର ପ୍ରୟୋଜନ କାହିଁକି ?

ଲୋଭ, ମାୟା, ମୋହରୁ 

ଷଡ଼ଯନ୍ତ୍ରର ଅଦୃଶ୍ୟ ଚେର ଛନ୍ଦି

ବିପଥଗାମୀ କରାଏ ।

ଲାଳସାର ପରିଣାମ ଭୟଙ୍କର....

ଗାଦୀ ଉପାଧି ପାଇଁ ଷଡ଼ଯନ୍ତ୍ରର ଶୁଭାରମ୍ଭ

ଦୁର୍ଯ୍ୟୋଧନ ପରି ମହା ପ୍ରତାପୀ

ପତଙ୍ଗ ସାଜ୍ଜି ଅନଳ ସ୍ନାନ କରେ ....

ଧର୍ଯ୍ୟକୁ କଇଦୀ କରି ନପାରି,

ନାରୀ ଯୌବନ ପ୍ରତି ଲାଳାୟିତ ଇନ୍ଦ୍ର

ଷଡ଼ଯନ୍ତ୍ର କରି ଶାପଗ୍ରସ୍ତ ,

 ନିନ୍ଦିତ ଲଜ୍ଜିତ 

ଚକ୍ରାନ୍ତର ବୀଜ ରୋପଣ କଲେ

ଅମୃତ ଫଳ ତ ଅମଳ ହୁଏନା ,

ଅବଳା ଦୁର୍ବଳା ଜୀବନ ଉତ୍ସର୍ଗୀତ

ଭାତୃ ବିବାଦ , ପଡୋଶୀ ବିବାଦ

ପ୍ରତ୍ୟକ୍ଷେ ହେଉ କି ପରୋକ୍ଷେ

କୁଚକ୍ରୀର ହିଁ ଅଧୋପତନ ।

ନା ରହିଛି କାଳି ନାଗର ଗରଳ ଭରା ଫଣା

ନା ମହା ପ୍ରତାପୀ କଂସର ଘମଣ୍ଡ ,

ପର ପାଇଁ ଗର୍ତ୍ତ ଖୋଳି

ସ୍ବୟଂ ମୃତ୍ୟୁକୁ ନିମନ୍ତ୍ରଣ କରିବା ସଙ୍ଗେ ସମାନ ।

ଜୀବନରେ ସବୁ କିଛି ସୁଲଭ

ଉଚିତ୍ ନୁହେଁ ।

ଭୟ ଶୁନ୍ୟ ଜୀବନ ମୁକ , ବଧିର ସଦୃଶ

ଷଡ଼ଯନ୍ତ୍ରର ଆହଟରୁ

ଜ୍ଞାନ ବୁଦ୍ଧିର ସଦର ଦରଜା ଖୋଲେ

ସତର୍କତା ଅବଲମ୍ବନ କରେ

ଜୀବନ ପଥରେ ଯେତେ ଷଡ଼ଯନ୍ତ୍ର 

ଚୋରାବାଲି ପରି ,ଚେଇଁ ପଡ଼ି ଥାଉ

ସମୟ ତାଳରେ ଅସଲି 

ମୁଖା ଖୋଲି ଯାଏ .......।