ସୂକ୍ଷ୍ମ ସଂଯୋଗ
ସୂକ୍ଷ୍ମ ସଂଯୋଗ
ଅନେକ ଅଭିଜ୍ଞତା ଥାଇ ମଧ୍ୟ
ଏକ ସରଳ ହୃଦୟ
ନିଜର ଅବୁଝା ପଣ ରେ
ଏକ ଅନଭିଜ୍ଞ ଆତ୍ମୀୟତା କୁ
ଆପଣେଇ ନିଏ କାହିଁକି
ସେ ଆତ୍ମାନୁଭଵ ରେ କ'ଣ କିଛି ଅର୍ଥ ଥାଏ ?
ଏକ ଅଜଣା ବାତ୍ସଲ୍ୟ ସ୍ନେହରେ
ନିଜ କୁ ଖୋଜେ କାହିଁକି
ଯାହାକୁ ସେ କେବେ ଦେଖି ନଥାଏ ?
କାହା ସହ କି ସଂଯୋଗ
ଏ ଅଦୃଶ୍ୟ ସତ୍ତା ରେ
ଏକ ନିମିତ୍ତ ସମୟ ବ୍ୟବଧାନରେ
ଲକ୍ଷେ ଯାତନା ଭିତରେ
ବାଷ୍ପ ରୁଦ୍ଧ କଣ୍ଠ ତା'ର
ଦ୍ରଵିଭୂତ ହୋଇ ଯାଏ
ଅନେକ ଜଳ କଣାରେ ।
କାହାକୁ ଦୁଃଖୀ ନ କରିବାର ଅଭିପ୍ରାୟ ରେ
ଏକ ନିଷ୍ପାପି ହୃଦୟ
କାହାକୁ ଯନ୍ତ୍ରଣା ଟେ ଦେଇ ଦିଏ
ଦ୍ବନ୍ଦ୍ୱ ର କରାଳ ଗର୍ଭ ରେ
ବିଶ୍ୱାସ ର ଦ୍ୱାହି ଦେଇ ।
ଟୋପାଏ ସ୍ନେହ ର ଅଭୁଲା ପଣ ରେ
ସମର୍ପିତ ଆତ୍ମା ତା'ର
ବୁଦ୍ ବୁଦ୍ ହୋଇ ଜଳି ଉଠେ
ସୂକ୍ଷ୍ମ ଦୀପ ଶିଖା ଟିରେ
ଯଦିବା ସେ ସଂଯୋଗ ର
ଅର୍ଥ କିଛି ବି ନଥାଏ ।
ମନ ଟିଏ ଯେବେ ଅଡ଼ୁଆ ଅଡ଼ୁଆ ଲାଗେ
ମୃତ୍ୟୁ ଟା ବି ଖୁବ୍ ଆପଣାର ଲାଗେ
କିଏ ଯଦି ଲାଗେ ଟିକିଏ ନିଜର
ସେ ଆତ୍ମୀୟତା ର ସୂତ୍ର ଟିଏ ଜାଗେ ।
ପ୍ରାରବ୍ଧ ରୁ ବନ୍ଧା ପଡ଼ି
ଓହଳି ପଡ଼ି ଥିବା ସମ୍ପର୍କଟେ
ଅଯଥା ରେ ଝୁଲୁଥାଏ ।
କିଏ ବୁଝେ ସେ ଭାବ କୁ
ନା କିଏ ବୁଝେ ସେ ସମ୍ପର୍କର ଅର୍ଥ କୁ
ଅନେକ ଅବୁଝା ପ୍ରଶ୍ନ ମୋର
ଆଖିଭରା କୁହୁଡ଼ି ରେ
ବାରମ୍ବାର ଦେଖୁଥାଏ ଆକାଶ କୁ ।