Library
Profile
ବସନ୍ତ ର ପରବ ପର୍ବାଣୀ
ବସନ୍ତ ର ପରବ ପର୍ବାଣୀ
ବସନ୍ତେ ପଡଇ କେତେ ପରବ ପର୍ବାଣୀ
ପାଳନ୍ତି ଆନନ୍ଦ ମନେ ଜନେ ସର୍ବେ ଜାଣି ॥
ବସନ୍ତ ପଞ୍ଚମୀ , ହୋଲି , ଜାଗର ଉଆଁଶ
ଅଗିରା ପୁନେଇଁ ସାଥେ ଫଗୁ‐ଦୋଳ ଯାତ ॥
ଶିବରାତ୍ରୀ , ବାସନ୍ତିକ ଦଶହରା ପର୍ବ
ବାସନ୍ତୀ ଦେବୀଙ୍କ ପୂଜା ଲାଗି ଏ ଉତ୍ସବ ॥
ହୋଲି ରେ ହୋଲିକା ଦହନ ହୁଅଇ ଜାଣ
ଅସତ୍ଯ ଉପରେ ସତ୍ଯର ବିଜୟ ମାନ ॥
ଦୋଳ ଯାତରାରେ ରାଧା କୃଷ୍ଣ ରାସ ଲୀଳା
ମହୋତ୍ସବମୟ ହୁଏ ପୁରପଲ୍ଲୀ ମେଳା ॥
ବସଇ ସବୁଠି ମନ୍ଦିରେ ଠାକୁର ଲୀଳା
ବିମାନେ ବିଜୟ କରାଇ ଠାକୁର ଖେଳା ॥
ଭକତେ କରାନ୍ତି ଆହା , କି ଆମୋଦ ଭରେ
ଅଗିରା
ପୁନେଇଁ ଦିନ ଯେ ସବୁଠି ଜଳେ ॥
ଧୂଉ ଧୂଉ ରବେ ଧୂଆଁ ନିକିଳିକି ଧୂନି
ଚୁମୁଟା ଧରିକି ବାବା ଚେଲା ମାନେ ପୁଣି ॥
ଅଗି ନିଆଁ ପାଖେ ଜଗି ବସି ରହି ନିତି
ଭକତ ଜନ ଙ୍କୁ ବର ଦ୍ଯନ୍ତି ଯାଚି ଯାଚି ॥
ନିଆଁ ନିକଟରେ ପାଗଲ ମାତାଲ ଗଣ
ନାଚି ନାଚି ଗାଇ ଯାଉଥାନ୍ତି ଯେ ଗଡିଣ ॥
ତାଙ୍କ ସଙ୍ଗେ ସବୁ ଜନ ସାଧାରଣ ମେଳ
ହୋଇ ଉଚ୍ଚ ସ୍ବରେ କୁହାଟି କୁହାଟି ରୋଳ ॥
ନିଆଁରେ ଆହୁତି ଦେଉ ଥାନ୍ତି ହବି ରାଶି
ଧୂମେ ଆଚ୍ଛାଦିତ ପୁନେଇଁ ଅନ୍ଧାର ରାତି ॥
ସ୍ବଦେହରେ ସ୍ବର୍ଗ ବାବା କରନ୍ତି ଗମନ
ଏଇ ଯେ ଅଗିରା ରାତିରେ ପୁନେଇଁ ଦିନ ॥
