ସକାଳ
ସକାଳ
ସକାଳୁଆ ଝାପ୍ସା ଝାପ୍ସା
ମଉଳା ଅନ୍ଧାର ତାକୁ ନେଇ
ଯେବେ କୁଆଁ ତାରା
ମିଟିମିଟି ଆଖୁ ମାରେ
ରାତିର ଶେଷ ପହର
ଉଜୁଡା ଜହ୍ନକୁ ପାଖେ ପାଖେ
ଧରି ଆସେ ସକାଳ
ମୋ ଗାଆଁ ମାଟିରେ ।
କିଆ ବଣ ଲଟି
ଗୋଛି କଟା କୁମ୍ଭାଟୁଆ
ମାଳ ମାଳ ଡାହୁକଙ୍କ ରଡି
ଶେଷ ପହରିଆ ବିଲୁଆଙ୍କ
ହୁକେ ହୋ ଡାକରେ
ଅଣ୍ଡିରୀ ଗଂଜାର ଫୁଲଗୁଣା
କୁ କ୍ ଡାକରେ ସକାଳ ଆସେ ମୋ ଗାଆଁ ମାଟିରେ ।
ରଣା ବଣା ହେଇ ବେଣିଆ ପାହାନ ରଣା
ସାହୁକାରର ଋଣ ଶୁଝିବ ବୋଲି ଜାଙ୍ଗୁଲୁ ଜାଙ୍ଗୁଲୁ ଅନ୍ଧାର ରାତିରୁ
ରଣିବାପି ବଅଲ ହଳକୁ ଧରି ଯେବେ ଓଡ଼ା ବାନ୍ଧିଲାଣି ବଟ ପାହାରରେ
ସେବେ ତ ସକାଳ ଆସେ
ମୋ ଗାଆଁ ମାଟିରେ ।
ଝରା ମାଉସୀ ଯେବେ କାନଫୁସୀ ମାରେ
ପାହାନ ଘରରି ସେ ସାନବୋହୂ କାନେ
ଗାଧୁଆ ତୁଠରେ ମାଇପିଙ୍କ ଗହଣରେ
ଏକଥାକୁ ନେଇ ଯେବେ ପାଟିତୁଣ୍ଡ ହୁଏ
ସେବେ ତ ସକାଳ ଆସେ ମୋ ଗାଆଁ ମାଟିରେ ।
ଏବେ ତ ଶୁଖୁଲାଣି ନଈ ତୁଠ ହଜିଲାଣି
ବାଲି ଗଦାଗଦା ପୋଖରୀ ତୁଠରେ
ସେ ମଜାଳିଆ ଗପ ଆଉ ଶୁଭେନାହିଁ
ଜମେ ନାହିଁ ମାଇପିଙ୍କ ଭିଡ ସକାଳ ପହରୁ
ଏବେ ଖାଲି ପାଣି ମୁନ୍ଦେ ପାଇଁ ଭିଡ ଜମେ ଟ୍ୟୁବ୍ଲ୍ ପାଇପ୍ ମୂଳରେ ।
ଥଙ୍ଗ ଥଙ୍ଗ ଶଙ୍କିଲା ମନକୁ ନେଇ ଏବେ ତ ସେଇ ସକାଳ ଗାଏ ଖାଲି
ମାଲକୋଷ ରାଗ ଭିଡାଭିଡି ମଣିଷଙ୍କ ହଣାକଟା ଉଦ୍ଦାମ ସଂଗୀତ ।