ମନ୍ଦିର ମାଳିନୀ ଭୁବନେଶ୍ୱର

ଏକାମ୍ର କାନନ ଭୁବନେଶ୍ୱର

ହରପାର୍ବତୀ ଙ୍କ ସଦା ବିହାର

ପୂଜା ପାଉଛନ୍ତି ଭୋଳାଶଙ୍କର

ପାତକ ହାରନ୍ତି ଚନ୍ଦ୍ରଶେଖର

ଦେବ ଦେବ ହର ଶିବଶଙ୍କର 

ମନ୍ଦିରମାଳିନୀ ଭୁବନେଶ୍ୱର ।

ପୂରୁବ ଗୌରବ ଅଛି ନଜିର

ସେବକ ପୂଜନ୍ତି ପାର୍ବତୀ ହର

ଦୟାସାଗର ସେ ତ୍ରିଶୂଳଧର

ଭକତ ଇପ୍ସିତ ଦିଅନ୍ତି ବର

ଦେବ ଦେବ ହର ଶିବଶଙ୍କର 

ମନ୍ଦିର ମାଳିନୀ ଭୁବନେଶ୍ୱର  ।

ଶିବଲିଙ୍ଗେ ବାଜି ଗଡୁ ଓ ଗରା

କାଂସ୍ୟ ଓ ପିତଳ ସୁବର୍ଣ୍ଣେ ଭରା

ଢାଙ୍କୁଣି ଲାଗିଲା ଲିଙ୍ଗ ଉପର

ପାତାଳି ହୋଇଲେ ପାର୍ବତୀ ହର

ଦେବ ଦେବ ହର ଶିବଶଙ୍କର 

ମନ୍ଦିର ମାଳିନୀ ଭୁବନେଶ୍ୱର  ।

ମଝିରେ ସରୋବର ବିନ୍ଦୁସାଗର

ପବିତ୍ର ସେ ଜଳ ଅତି ନିର୍ମଳ

ବିନ୍ଦୁଵିନ୍ଦୁ ମିଶି ନଦୀର‌ ଜଳ

ପାପ ଵିନାଶିନୀ କଳ୍ପ ଯୁଗର

ଦେବ ଦେବ ହର ଶିବଶଙ୍କର 

ମନ୍ଦିର ମାଳିନୀ ଭୁବନେଶ୍ୱର  ।

ପିତୃ ଶ୍ରାଦ୍ଧ ଦ୍ୟନ୍ତି ଭକ୍ତେ ସକଳ

ବୈକୁଣ୍ଠ ପ୍ରାପ୍ତି ହୁଏ ସଫଳ

ମୋକ୍ଷର ମାର୍ଗ ହୁଏ ତାଙ୍କର

ଜନ୍ମଜନ୍ମାନ୍ତର ବନ୍ଧନୁ ହୁଅନ୍ତି ପାର

ଦେବ ଦେବ ହର ଶିବଶଙ୍କର 

ମନ୍ଦିର ମାଳିନୀ ଭୁବନେଶ୍ୱର  ।

କଥା ରହିଅଛି ପ୍ରାଚୀନ କାଳର

କେଦାର ଗୌରୀ ପ୍ରେମ ସ୍ଵାକ୍ଷର

ଜଣେ ପାଇଁ ଜଣେ ଆତ୍ମହୁତିର

ପ୍ରେମରେ ପୂଜିତ ସାରା ସଂସାର

କେଦାର ଗୌରୀ ନାମଟି ସାର

ଦେବ ଦେବ ହର ଶିବଶଙ୍କର 

ମନ୍ଦିର ମାଳିନୀ ଭୁବନେଶ୍ୱର ।