ମହାନୁଭବ ମୋହନ

ହେ, ମହାନ୍ ଆତ୍ମା ତୁମେ ଯୋଗଜନ୍ମା

ମହାନୁଭବ ମୋହନ। 

ଅହିଂସା ବଳରେ ଜନ ମାନସରେ

ଢାଳିଲ ମୁକ୍ତିର ନିଶାନ ।

ତୁମେଥିଲ ବାପୁ ଆମପାଇଁ ସତେ

ପଥପ୍ରଦର୍ଶକ ମାନ୍ଯ । 

ତୁମଲାଗି ଆଜି ଭାରତ ସ୍ବାଧିନ

ପୂର୍ଣ୍ଣ ହେଲା ମନସ୍କାମ ।

କେତେ ଜେଲ୍ ଦଣ୍ଡ ଚାବୁକ୍ ରେ,ପିଣ୍ଡ

ହେଉଥିଲା ହରବର। 

ତଥାପି ସେଥିକି ଖାତିର୍ ନକରି

ଲଢୁଥିଲ ବାରମ୍ବାର ।

କି ବର୍ଣ୍ଣବି ତୁମ ସୌର୍ଯ୍ଯ ପରାକ୍ରମ

ଅହିଂସା ବଳେ ସ୍ବାଧିନ । 

ତୁମ ସ୍ମିତହାସ୍ୟ ଚିର ଅମଳିନ

ତୁମେ ହିଁ ବୀର ସନ୍ତାନ ।

ତୁମ ନିତିଶିକ୍ଷା ଅହିଂସାର ଦୀକ୍ଷା 

ମନେ ପ୍ରଜ୍ବଳିତ କଲ । 

ଅହିଂସା ମାର୍ଗରେ ସ୍ବାଧୀନତା ଆଣି

ଦେଶର ଟେକ ରଖିଲ ।

ଅହିଂସା ମନ୍ତ୍ରଟା ଶକ୍ତିଶାଳୀ ଏକା

ବିଦେଶୀ ତଡିବା ପାଇଁ । 

ଭାରତ ଜନତା ହେଲେ ଏକତ୍ରିତ

ଫିରିଙ୍ଗି ଗଲେ ପଳାଇ ।

ସେଦିନୁ ମହାତ୍ମା ବାପୁଜୀ ନାମରେ

ଜନମନ କିଣିନେଲ । 

କୁଟିଖାଅ କାଟିପିନ୍ଧ ସ୍ବଦେଶୀ ବାର୍ତ୍ତା

ମନରେ ଜଗାଇ ଦେଲ ।

ମୁଖରେ ସନ୍ତୁଷ୍ଟି ହାତେ ଥିଲା ଜଷ୍ଟି

ଆଣ୍ଠୁ ନଲୁଚା ଖଦଡ । 

ଦେଶପାଇଁ ଭକ୍ତି ମନେଥିଲା ଉକ୍ତି  

ମନଟା ବହୁତ ଦୃଢ ।

ତୁମ ଆଦର୍ଶ ରେ ହୋଇ ଅନୁପ୍ରାଣିତ

ଉଡାଇ ଶାନ୍ତି କପୋତ । 

ଫିରିଙ୍ଗି କବଳୁ ଭାରତ ମାତାକୁ

କରିଥିଲ ତୁମେ ମୁକ୍ତ ।

ଗଢି ଯାଇଥିଲ ଯେଉଁ ରାମ ରାଜ୍ଯ

ତାର ଦୟନୀୟ ଦୁଖ । 

ସରଗ ରାଇଜୁ ଚାହିଁ ଦିଅ ଥରେ

ଭାରତ ମାତା ବିମୁଖ ।

ଅନ୍ୟାୟ ଅନିତି ବଢିଯାଏ ଗତି

ନାରୀ ନୁହେଁ ସୁରକ୍ଷିତା । 

ସ୍ବାଧୀନ ହୋଇବି ପରାଧୀନ ଭୋଗେ

ଆଜି ବି ଭାରତ ମାତା ।

ତୁମେ ଗଲା ପରେ ତୁମରି ଦେଶରେ

ଦେଖ କେଉଁ ଦୂରାବସ୍ଥା । 

ଗୋରା ଶାସନ ଠୁ ବଳି ପଡିଲାଣି

ସ୍ବାଧୀନତାର ବ୍ଯବସ୍ଥା ।

ଆଉଥରେ ଜନ୍ମ ନିଅହେ ମହାତ୍ମା

ଦୂର କର ଦେଶୁ ଦୁଃଖ । 

ଭାରତ ମାତାର ସୁଯୋଗ୍ଯ ସନ୍ତାନ

ରଖ ସେ, ମାତାର ଟେକ ।