ସିଲଟ
ସିଲଟ
ଜୀବନରେ ଯେବେ ଅକ୍ଷର ଶିଖିଲି
ସିଲଟରେ ଲେଖୁଥିଲି
ପ୍ରଥମେ ତିନୋଟି ଶୂନ କରି ମୁହିଁ
ଅକ୍ଷର ମୁଁ ଲେଖୁଥିଲି ।
ଧରି ମୋର ହାତ ବୋଉ ଯେ ମୋହର
ଅକ୍ଷର ତ ଶିଖାଇଲା
ଧରି ମୋର ହାତ ମାଆ ଅକ୍ଷରରୁ
ଶିକ୍ଷା ମୋ ଆରମ୍ଭ କଲା ।
ସିଲଟ ସହିତ ସମସ୍ତଙ୍କର ଯେ
ରହିଛି ଏକ ସମ୍ପର୍କ
ପ୍ରଥମ ଶିକ୍ଷା ଯେ ସିଲଟରେ ହୁଏ
ଶିଖନ୍ତି ଅକ୍ଷରଯାକ ।
ଓଦାକରିଦେଇ ସିଲଟକୁ ମୋର
ଗୀତ ଆମେ ଗାଉଥିଲୁ
ନଈ ପାଣି ତୁରେ ନଈକୁ ଫେରିଯା
ଏ ଗୀତକୁ ଗାଉଥିଲୁ ।
ଭଳି ଭଳି ଚିତ୍ର କରି ଯେ ସେଥିରେ
ସାଙ୍ଗକୁ ଦେଖଉଥିଲୁ
ସିଲଟ ସହିତ ପ୍ରଥମ ଜୀବନ
ଖୁସୀରେ ତ କାଟୁଥିଲୁ ।
ଦେଖି ସେ ସିଲଟ ମନେ ପଡ଼ିଯାଏ
ପୁରୁଣା ଦିନର ସ୍ମୃତି
ଯାଇଅଛି ଯାହା ସଭିଙ୍କ ଜୀବନେ
ହୋଇ ଏକ ଦିନ ବିତି ।।