ଶୁଖିଲା ଶ୍ରାବଣ

ମରୁଡି ପଡ଼ି କି ଏବେ ଶ୍ରାବଣ ଶୁଖିଲା

ଲୋକ ବାକ ସବୁ ଏବେ ହୋଇଲେ ଭୋକିଲା ।

ଚାଷୀ ଶିରେ କର ଦେଇ ଭୋକ ଉପାସରେ

ଗୁହାରୀ ଜଣାଏ ଯାଇ ଠାକୁର ପାଶ ରେ ।

ଅନ୍ୟ ଜନେ ଆକୁ ତାକୁ ପୁଛନ୍ତି ଆକୁଳେ

କହ କି କରିବା ଅବା ଆମ୍ଭେ ଏବେ ଭଲେ ।

ନଦୀ , ପୋଖରୀ , ଗାଡିଆ ସବୁ ଶୁଖି ଗଲା

ଗଛ , ଲତା , ତରୁ ତୃଣ ଝାଉଁଳି ପଡିଲା ।

କିଛି ଦିନ ଧରି ସିନା ପତର ଚୋବାଇ

ଦୁଃଖ ଶୋକ ତାପ ଯାତନା ରେ ଗଲେ ବଞ୍ଚି ।

ପଶୁ ପକ୍ଷୀ କୀଟ ଆଦି ସର୍ବେ ଆକୁଳିତ 

ଅର୍ଣ୍ଣ ଜଳ ବୃଷ୍ଟି ବିନା ହୋନ୍ତି ହନ୍ତସନ୍ତ ।

କାଉଡ଼ିଆ ପାଣି ଠୁପେ କାହିଁ ନ ପାଆନ୍ତି

ଶୁଖିଲା ଶ୍ରାବଣ ସର୍ବେ ବିରସେ ରହନ୍ତି ।

ସୋମ ବାରରେ ଶିବ ଶିରେ ନ ପଡ଼ଇ ଅମ୍ବୁ

ହର ହର ବୋଲବମ ଜୟ ଜୟ ଶମ୍ଭୁ ।

ନ ଶୁଭିଲା  ଏ ବରଷ ଜଳାଭିଷେକରେ

ଆଗ୍ରହ ପ୍ରକାଶ ପାଉନାହିଁ କା ' ମନରେ ।

ଜିବୋଦ୍ଭିଦ ସଭିଙ୍କର ଆକୁଳ ହୃଦୟ

ଆର୍ତ୍ତ ଚିତ୍କାର ରେ ଧରା ହେଲାଣି ଅଥୟ ।