ଶିଶୁ ଗଛ

 ଶିଶୁ ବୃକ୍ଷ ଏକ ଔଷଧୀୟ ବୃକ୍ଷ

ବହୁ ରୋଗ ଉପଶମ

 ନିମନ୍ତେ ପ୍ରସିଦ୍ଧି , ରହିଛି ଏହାର

ଯୋଗାଏ ଯେ ପ୍ରତିଦିନ ।

ପରିବେଶ ପାଇଁ ବିଶୁଦ୍ଧ ବାଷ୍ପ ଓ

ଶୁଦ୍ଧ ବାୟୁ ଅମ୍ଳଜାନ

 ସ୍ନିଗ୍ଧ ସୁଶୀତଳ କରେ ପରିବେଶ

 ନାଶେ , ନାନା ପ୍ରଦୂଷଣ ।

ବଣ ଜଙ୍ଗଲ ଓ ପାର୍ବତ୍ୟlଞ୍ଚଳରେ 

ପ୍ରଚୁର ସଂଖ୍ୟା ରେ ଥାଏ

ଗୃହ ନିର୍ମାଣ ଓ ନାନା ଆସବାବ

 ତିଆରି କାମ ରେ ଲାଗେ ।

ଶକ୍ତ ଆଉ ମଜବୁତ ହୋଇ ଥାଏ

ଏଥିରୁ ତିଆରି ଦ୍ରବ୍ୟ

ଉଇ ଲାଗେ ନାହିଁ , ଘୁଣ ଧରେ ନାହିଁ

ଦୀର୍ଘ ସ୍ଥାୟୀ ଏହି ବୃକ୍ଷ ।

ଜ୍ଵର , ଚର୍ମ ରୋଗ ଅଲସର ଆଦି

ଚିକିତ୍ସା କ୍ଷେତ୍ରରେ ଲାଗେ

ପତ୍ର , ରସ , କ୍ୱାଥ , ସେବନେ ସୁସ୍ୱାଥ୍ୟ

ବହୁତ ଆମୟ ନାଶେ ।

ବହୁ ମୂଲ୍ୟବାନ ବୃକ୍ଷ ଭାବେ ବନ

ଶୋଭା କରେ ବିବର୍ଦ୍ଧନ

ରୁଚିର ପତର କେଡେ ମନୋହର

ଦିଶେ କୋମଳ ଚିକ୍କଣ ।

ଅଳ୍ପ ଦିନ ତଳେ ଅସଂଖ୍ୟ ଭାବ ରେ

ରହି ଥିଲା ଏହି ବୃକ୍ଷ

ଏବେ କିନ୍ତୁ ଲୋପ ପାଇ କି ଅଳପ

ଥିବ ନ ଥିବ ସଂଶୟ ।

କାଠ ମାଫିଆ ଓ ବାନlଗ୍ନି ପ୍ରଭାବେ

ଲୁପ୍ତ ହୁଏ ନିତି ଏବେ

ପ୍ରାକୃତିକ ବିପର୍ଯ୍ୟୟ ବଢ଼ି ଚାଲେ

ବୃକ୍ଷ ସମ୍ପଦ ଅଭାବେ ।