ଭିଜା ମାଟିର ବାସ୍ନା

ଉତ୍ତପ୍ତ ଧରିତ୍ରୀ ଶାନ୍ତ ଲଭଇ 

ଆଦ୍ଯ ଆଶାଢ ଜଳରେ 

ଉତ୍ତପ୍ତ ମାଟିରେ ବର୍ଷାର ଛିଟା  

ସୁଗନ୍ଧ ମହକ ଭରେ । 

ମାଟିର ବାସ୍ନା ପାଗଳ କରେ

ସିହରିତ ତନୁ ମନ 

ଶେଫାଳୀ ରାଣୀ ସିକ୍ତ ମାଟିରେ

ଅଭିସାରିକାରେ ମଗ୍ନ । 

ସାଧବ ବୋହୂ ନାଲିପାଟ ପିନ୍ଧି

ଓଦା ମାଟିରେ ଶୋଭଇ 

ଡେଇଁ ଡ଼େଇଁକା ଝିଣ୍ଟିକା ରାଣୀ

ମାଟିରେ  ବିଭୋର ହୋଇ  ।

କଦମ୍ବ ଫୁଟି ଓଦା ମାଟିରେ

ସିଗ୍ନଧ ସମିର ବାଣ୍ଟେ 

ଗହଳ ପତ୍ରେ ବହଳ ରଙ୍ଗ

ସବୁଜ ବୃକ୍ଷ ଆଣ୍ଟେ । 

ଓଦା ମାଟିର ସୁରଭି ବାସ୍ନା

ଚକୋର ପୁଲକିତ 

ନଦୀ ସେପାରି ଗହନ ବନୁ

ମିଳନ ପାଇଁ ବ୍ଯସ୍ତ  । 

ମାଟିର ବାସ୍ନା ପାଗଳ କରେ

ମନମୋ ହୁଏ ନିଆରା

ଅପଲକ ନେତ୍ରେ ଚାହିଁ ମୁଁ ରହିଛି

ଆଦ୍ଯ ବର୍ଷାର ଧାରା ।