କିଛି ମୁହୂର୍ତ୍ତ

ମୁହୂର୍ତ୍ତକ ମଧ୍ୟେ କେତେ ଭାବ ଭାବାନ୍ତର

ଅନୁ କ୍ଷଣେ ମନେ ଉଠୁ ଥାଏ ନିରନ୍ତର ।

ମୁହୂର୍ତ୍ତକ ସ୍ମୃତି ଅନୁଭୁତି ଅନୁସାରେ

ଜାଗରିତ ଭୀତତ୍ରସ୍ତ ପ୍ରାଣୀ ଜଗତରେ ।

ମୁହୂର୍ତ୍ତକ ସ୍ମୃତି ଦିଏ ନବୀନ ପ୍ରେରଣା

 ସାହସ ଶକତି ସାଥେ ଭାବ ଉନ୍ମାଦନା ।

ମୁହୂର୍ତ୍ତକ ରେ ଚେତନା ସ୍ପନ୍ଦନ ଆହ୍ବାନ 

ଘେନି ଗତିଶୀଳ ନାଟ୍ୟ ସୁଆଙ୍ଗ ନିର୍ମାଣ ।

କରି ନିତ୍ୟ ଅଭିନବ ଅଭିଯାନ ରତ

ମୁହୂର୍ତ୍ତକ କାର୍ଯ୍ୟ ପାପ ପୁଣ୍ୟ ପରାପତ ।

ଲଭଇ ଜୀବନେ କିଛି ପବିତ୍ର ଲହରୀ

ପ୍ରବାହିତ ହୁଏ ମନେ ଭାବ ଅସୁମାରୀ ।

ସର୍ଜନ ମାନଙ୍କ ସହ କିଛି ମୁହୂର୍ତ୍ତର

ଆକଳନ ପାପ ତାପ କ୍ଳେଶ ଭ୍ରମ ଦୂର ।

ସବୁ ଠାରୁ ବଳ ବାନ ମୂଲ୍ୟ ବାନ ପୁଣି

ସମୟ ଓ ମୁହୂର୍ତ୍ତ କୁ ଧରି ସିନା ଜାଣି ।

ନିର୍ମାଣ ହୋଇଛି ଘଣ୍ଟା ସମୟ ଚେତନା

 ସ୍ପନ୍ଦନ ଆହ୍ବାନ କେତେ ସୁଦିବ୍ୟ ପ୍ରେରଣା ।

ଜଗାଇ ଜୀବନ କରେ ଆନନ୍ଦ ମୁଖର

ଜାଗରିତ ହୋଇ ଉଠେ କିଛି ମୁହୂର୍ତ୍ତର ।

ଭାବ ଉନ୍ମାଦନା ନବୀନ ଚେତନା ଭରି

ସ୍ବପ୍ନ ଯେ ଅମାପ ସୃଜଇ ଚକିତ କରି ।