ଧରି ଚାଲ ସମ୍ପର୍କକୁ ବିଶ୍ୱାସ ଭିତର

ନଦୀର ସମ୍ପର୍କ ମିଶିବ ସାଗର ଗର୍ଭରେ

ବସ୍ତୁ ପୃଥିବୀ ସମ୍ପର୍କ ମାଧ୍ୟାକର୍ଷଣରେ ।

ସମ୍ପର୍କ ବନ୍ଧନଟି ମଣିଷ ଜୀବନରେ

ରହିଛି ରହିବ ପ୍ରକୃତିର ଦାନ ମଧ୍ୟରେ ।

ମାତା, ପ୍ରଥମ ସମ୍ପର୍କ, ମମତାରେ ଭରା

ପିତା ସହ ସମ୍ପର୍କ ଗଢା ରକତ ତ ପରା ।

ସ୍ଵାମୀ ସହ ସ୍ତ୍ରୀ ବନ୍ଧା ପ୍ରୀତି ସମ୍ପର୍କରେ 

ସାଂଗ ସାଥି ଯୋଡି ବନ୍ଧୁଗତ ଭାବରେ ।

ମଣିଷ ବଂଚେନି ବିନା ସାମାଜିକ ବନ୍ଧନରେ

ଗାଁ ସହ ସମ୍ପର୍କ ଐତିହ୍ୟ ସଂସ୍କୃତି ପରମ୍ପରାରେ ।

ରହିଛି ଓ ରହିବ ସମ୍ପର୍କ ଗୁରୁ ସହିତ ଶିଷ୍ଯଙ୍କର

ବିଦ୍ୟା ଜ୍ଞାନ ଗ୍ରହଣ, ବାଟ ଜଣା ବ୍ୟକ୍ତି ସହ ବାଟୋଇର ।

ସଙ୍ଗୀତ ସହ ନିବିଡ ସମ୍ପର୍କ କଣ୍ଠଶିଳ୍ପୀଟିର 

ଯେପରି ତୂଳୀ ସାଥେ ଅଛି ଏକ ଚିତ୍ରକରର ।

ପ୍ରାକୃତିକ ସମ୍ପର୍କ ଅଟେ ସଦା ସତ୍ୟ ଚିରନ୍ତନ 

ପବିତ୍ରତା ଅଭାବେ ସମ୍ପର୍କ ହୁଏ ମୂଲ୍ୟହୀନ ।

ଧରି ଚାଲିଲେ ସର୍ବ ସମ୍ପର୍କକୁ ବିଶ୍ୱାସ ଭିତରେ

ଅସମ୍ଭବ ବି ସମ୍ଭବ ହୁଏ, ଶାନ୍ତି ଆସେ ସଫଳତାରେ ।