ହଂସ ଓ ମାଳା

ସରସୀ ପୁଳିନେ ହଂସ ଟିଏ ଦିନେ

ଚରୁ ଥିଲା କାହୁଁ ଆସି

ନାରୀ ଜଣେ ଦେଖି ହୋଇ ଅତି ଖୁସି

କହିଲା ତାକୁ ଭରସି ।

ଆରେ ଆରେ ହଁସ କେତେ କଥା ତୋତେ

କହୁ ଅଛି ତୁହି ଶୁଣ

ମୁକ୍ତା ମାଳା ଟିଏ ଧରି ସେ ହାତ ରେ

ଟେକି ଏହା କୁ ଘେନିଣ ।

ଚଳି ଯିବୁ ଦୂରେ ବେଗେ ତୁହି ଆରେ

ମାନିଣ ମୋହର କଥା

ଯାହା ଯାହା ତୋତେ ବୁଝାଇ କହୁଛି

ଜାଣି ମୋର ହୃଦ ବ୍ୟଥା ।

ଶୁଣି ଅନୁରୂପ ସେସବୁ କଥାକୁ

କହିବୁ ଯାଇ ସେଠାରେ

ନଦୀ ପରପରେ ଯେଉଁ ରାଜ ପୁରେ

ରାଜ କୁମାର ଛାମୁରେ ।

ଜଣାଇ ସକଳ ଯାଆ ତୁ ସଅଳ

ସେ ରାଜାଙ୍କର ଉଆସେ

ଯେଉଁ ଠାରେ ରାଜ କୁମାର ଅଛନ୍ତି

ଏହା ଦେବୁ ତାଙ୍କ ପାଶେ ।

ଏହା କୁ ଦେଖି ସେ ଜାଣି ପାରି ମୋତେ

କଷଣୁ ଉଦ୍ଧାର କରି

ତୀବ୍ର ତର ଦାହ ସହି ଅହ ରହ

ରହିଛି ଏଥି କିପରି ।

ବୁଝାଇ ତାହାକୁ କହିବୁ ରେ ହଂସ

ଯାଆ ତୁହି ଏହା ନେଇ

ରାଜ କୁମାରଙ୍କ ଛାମୁରେ ବିଷଦ

ଭାବରେ ଶୀଘ୍ର ବଖାଣି ।