ଲାଇବ୍ରେରୀ
ପ୍ରୋଫାଇଲ୍
ସ୍ୱାର୍ଥ ସବାରୀରେ ନେତ୍ରଯୌବନା
ସ୍ୱାର୍ଥ ସବାରୀରେ ନେତ୍ରଯୌବନା
ଅଚିହ୍ନା ଅଜଣା ଶରୀର ଦେଖି
ଚାଲିଗଲୁ ତୁହି ସଭିଙ୍କୁ ଠକି
ଯେଉଁଠୁ ହୋଇଲୁ ତୁହି ଜନମ
ତାକୁ କରି ଦେଲୁ ସଦା ମଉନ
କେମିତି ହବ ଆଉ ସିଏ ଖୁସି
ଅଚିହ୍ନା ଅଜଣା ଶରୀର ଦେଖି
ଚାଲିଗଲୁ ତୁହି ସଭିଙ୍କୁ ଠକି.....।
ଥିଲା କେତେ ଆଶା ଥିଲା ଭରଷା
କ୍ଷଣିକରେ ତୁହି କଲୁ ନିରାଶା
ଇଏ କେଉଁ ପ୍ରେମ ଥିଲା ତୋହର
ସଭିଙ୍କ ମୁଖରେ ଦେଲୁ ଜହର
କେମିତି ଭୁଲିଲୁ ତୋ ସାଙ୍ଗ ସାଥି
ଅଚିହ୍ନା ଅଜଣା ଶରୀର ଦେଖି
ଚାଲିଗଲୁ ତୁହି ସଭିଙ୍କୁ ଠକି....।
ଯେଉଁ ହାତ ଧରି ଚାଲି ଶିଖିଲୁ
ସେଇ ହାତକୁ ତୁ ଆଜି ବାନ୍ଧିଲୁ
ଦୁନିଆ ଆଗରେ ହୋଇଲୁ ଛୋଟ
ପାସୋରି ଗଲୁତୁ ସବୁ ସମ୍ପର୍କ
କାହିଁକି ଦେଲୁ ଏତେବଡ଼ ଶାସ୍ତି
ଅଚିହ୍ନା ଅଜଣା ଶରୀର ଦେଖି
ଚାଲିଗଲୁ ତୁହି ସଭିଙ୍କୁ ଠକି....।
ଯିଏ କହୁଥିଲା ତୁ ମୋ ନୟନ
କେମିତି ଭାଙ୍ଗିଲୁ ତାହା ସପନ
ତୁ ଥିଲୁ ପରା ତାହାରି ସ୍ପନ୍ଦନ
କେମିତି ଭୁଲିଲୁ ପୁରୁଣା ଦିନ
ହଜେଇ ଦେଲୁତୁ ସରଗ ଶଶୀ
ଅଚିହ୍ନା ଅଜଣା ଶରୀର ଦେଖି
ଚାଲିଗଲୁ ତୁହି ସଭିଙ୍କୁ ଠକି ....।
