ଅଳସୀ ନାୟିକା
ଅଳସୀ ନାୟିକା
ସଖୀ ତୁମେ ଏକ ଅଳସୀ ନାୟିକା
ପ୍ରୀତିମଖା ଏକ ମନ
ତୁମେ ଚଳମାନ ପ୍ରୀତିର ଜାହ୍ନବୀ
ପୂନେଇ ରାତିର ଜହ୍ନ I
ତୁମେ ବଇଶାଖ ଡହଡହ ଖରା
କେବେ ଅବା ଶୀତରାତି
ତୁମରି ମନର ଗଭିରତା ସଖୀ
କିଏସେ ପାରିଛି ମାପି I
ତୁମ କଣ୍ଠସ୍ୱର ବୀଣାର ଝଙ୍କାର
ମଧୁଝରା ତୁମ ହସ
ତୁମରି ଆଖିର ଚମକରେ ସଖୀ
ଦୁଃଖ ମାଡେନାହିଁ ପାଶ I
ଦରଦୀ ପ୍ରାଣର ଦରଦ ଲୋ ତୁମେ
ହୃଦୟର ମିଠାପଣ
ନିଆରା ତୁମର ଜୀବନ ସରଣୀ
ନିଆରା ତୁମର ମନ I
ମୋ ଜୀବନାକାଶେ ଆଲୋକ ତୁମେଲୋ
ତୁମେ ମୋର ମଧୁଶାଳା
ତୁମରି ପ୍ରେମର ମହା ସାଗରରେ
ଭାସେ ମୋ ଜୀବନ ଭେଳା I