ଶିକୁଳି
ଶିକୁଳି
1 min
119
ଝରକା ଦେଇ ଦେଖିଲି ସୁନାର ଗଛଟେ,
ଖରବୋଳା ।।
ସୂର୍ଯ୍ୟକୁ ବୋଧେ ଶହେ ଚାରି ଜର,
ଶୁଖେଇ ଚାଲିଛି ଜୋର ଠୁ ଝର ।।
ଆକାଶ ସାରା ବଉଦଆସର,
ହେଲେ କଳା ମେଘ କାଇଁ?
ଏ ତ ସବୁ କଂଜୁସ୍ କଣ୍ଠେଇ ।।
ଭାଜିବାର ବାଲି ଛାଡି
ଭାଜିହେଲେଣି ଲୋମଠୁ ରୋମ,
ଓଃ କି ଦାରୁଣ ଏ ଗରମ ।।
ପାଦର ବେଡିକୁ ଘୋଷାରି ଚାଲେ ବର୍ଷା,
ତା' ପ୍ରିୟା ଯେ ହଜିସାରିଛି କେବେଠୁ?
ପଚାରେ ସେ ଗଳି ଗଳିକୁ
ଦେଖିଛ କି ଝିଅଟିଏକୁ,
ନାଁ ଟି ଯାର 'ବନାନୀ ?
ଉଫ୍! ଏ ମଣିଷ
ଲୁହ ବେଳାରେ ବି ଲହୁ ଖୋଜେ,
କେତେ ଆଞୁଳି ଭରି ପିଇବ କେଜାଣି
ସବୁଜ ରକ୍ତ?
ବୋଧେ ପୃଥିବୀର ରଙ୍ଗ ମଙ୍ଗଳ ପରି ହେଲା ଯାଏ !