Library
Profile
ଶିଖ ପୁଅ
ଶିଖ ପୁଅ
ଶିଖ ପୁଅ
ସତ୍ୟକୁ ଆୟୁଧ କରିବା ଶିଖ
ମୁଠେଇଧର ତୋ ମାଆର ପଣତ
ମୁଠା ଶକ୍ତ କର
ଯେମିତି କେହି ଚାହିଁବାର ସାହାସ କରିବେନି
ଆଜନ୍ମ ।
ପ୍ରକୃତି ସାରା ତୋର ମାଆ
ଜଗ ପୁଅ
ନିଜକୁ ଜଗ
ସବୁ ପରିସ୍ଥିତିରେ ନାରୀଟିଏ ପାଇଁ
ସମ୍ମାନ ବାଢିରଖ ।
ମନେରଖ
ନାରୀ ତାକୁହି ବୁଲି ଚାହେଁ
ହୃଦୟ ଦିଏ
ଝୁରେ
ଯିଏ ତାକୁ ଚାବୁକରେ ନୁହେଁ
ହଳେ ଆଖିର ଭାବରେ ସ୍ମିତକୁ ଆଞ୍ଜୁଳିରେ ମଲ୍ଲୀ ପରି ରଖେ
ତାକୁ ରାଧା ପାଲଟାଏ
ଯିଏ ତାର ଲଜ୍ଜାକୁ ସମ୍ମାନ ସହ ସାଇତି ପାରେ ।
ବୁଝ ପୁଅ
ନା' ର ମାନେ " ନା " ହିଁ
ପ୍ରକୃତିକୁ ତାର ରୂତୁ ଅନୁସାରେ ଫଳବତୀ ହବାକୁ ବାଟ ଦେ
ଦେ ତାକୁ ତୋ ଆକାଶର ଛାତି
ଯାହା ନାଁ " ଭରସା " ।
<
br>
ସିଏ ଗଢୁ ନୀଡ
ତା ଖୁସିରେ
ତୁ କେବଳ ଯତ୍ନ ନେ
ମାଟି ବୋଳି ଦେ କାନ୍ଥରେ
ନ ହେଉ ଫାଟ
ସିଏ ତାର ଆଙ୍କୁଥାଉ ପିଠଉର ସଂସାର ।
ନଖି ମାନେ ମରିଯାନ୍ତୁ
ପାଉଁଶ ହେଇ ବହିଯାନ୍ତୁ ଅବା ଉଡିଯାନ୍ତୁ
ପ୍ରବୃତ୍ତିରୁ ତୋର
ଶିବ ହ
" ମୁଁ ଅଛି ତୋ ସାଥେ ସାଥେ " ଏତିକି କହିଦେଖ୍
ତୋ ଅଗଣା ସାରା ସିଏ ଫୁଟେଇଦବ ସହସ୍ର ସୁଗନ୍ଧ ।
ତା ଆଖିରେ
ବିଶ୍ବାସ ହେଇ ବଞ୍ଚ ,
ଘୋଡେଇ ଦେଉଥା ପ୍ରତିଥର
ତା' ଅନ୍ୟମନସ୍କତାରେ
ଖସି ପଡୁଥିବା କାନ୍ଧକୁ ଓଢଣୀଟେ ।
ସେ ଜନ୍ମଜାତ ଦେବୀ
" ବିଜୟା "
ତୋ ଜଶବାନା
ତା ଅଗଣାରେ।
ଏତିକି
ମନେରଖ ।
