ଶୀତ ପାଇଁ ଗୀତ ଟିଏ

ଷଡ଼ଋତୁ ଚକ୍ରେ ଶୀତ ତୁ ଆସୁଛୁ

ସୁନାର ଫସଲ ସଙ୍ଗରେ ଧରି

ପ୍ରତି ପ୍ରଭାତରେ ସତେ କି ଲାଗଇ

ସବୁଜ ଶାଢୀରେ ମୁକ୍ତା ଖୋଦେଇ ।

ଶୀତ ତୁ ଆସିଛୁ କୃଷକ ମନରେ

ଅସରନ୍ତି ଖୁସୀ ସମ୍ଭାର ନେଇ

ସୁନାର ଫସଲ କିଆରୀରେ ତାର

ଉତ୍ତଫୁଲ୍ଲିତ ହୁଏ କୃଷକ ଭାଇ ।

ସୁନାର କ୍ଷେତରେ ଲକ୍ଷ୍ମୀ ଠାକୁରାଣୀ

ଖଳାର ଝୋଟି ରେ ମନ ଉଲ୍ଲାସ

କଳେଇ ଗାଡିରେ ଲକ୍ଷ୍ମୀଙ୍କର ବିଜେ

ପରବ ଆସିଛି ଧରା ହରଷ ।

ଶୀତ ଆସିଅଛି ମଜା ମଉଜରେ

ପନିପରିବା ର ସମ୍ଭାର ନେଇ 

ରାସ୍ତା ଝୁମ୍ପୁଡ଼ି ର ନେତି ନାନୀ ଥରେ

ଶୀତ ଛୁଇଁ ଯାଏ ଯନ୍ତ୍ରଣା ଦେଇ ।