ରୂପାର ଫରୁଆରେ ସୁନାର ମୁଦି

ରୂପାର ଫରୁଆରେ ସୁନାର ମୁଦି

ପିନ୍ଧାଇଦେବି ତତେ ଏଇ ମୋ ଜିଦି

...........ରୂପାର ଫରୁଆରେ ସୁନାର ମୁଦି ! ୦ !

 

ଭଲକି ଦେଖା ଦେଖି ସରିନି ପରା

ମୁହଁଟା ଦେଖେ ତୋର ଉଜ୍ଜ୍ୱଳ ହୀରା

ସପନ ଆଖି ମୋର ନଜରବନ୍ଦୀ 

...........ରୂପାର ଫରୁଆରେ ସୁନାର ମୁଦି ! ୧ !

ଗୋଲାପ ଖୋସିଦେବି ଗଭାରେ ତୋର

ହସର ଓଠ ତଳେ ଲାଜର ଘର

ବୁଝିଚି ବସିଯିବି ବାହାର ବେଦି

...........ରୂପାର ଫରୁଆରେ ସୁନାର ମୁଦି ! ୨ !

ନାଲିଆ ପାଟ ପିନ୍ଧି ସାଜିଚୁ ପରୀ

ମୋ ମନ ଆସରରେ କନକ ଗୋରୀ

ତୋ ଲାଗି ପ୍ରେମେ ମୋର ରହିବ ଖାଦି

...........ରୂପାର ଫରୁଆରେ ସୁନାର ମୁଦି ! ୩ !