ଅକୁହା କଥା
ଅକୁହା କଥା
କହୁ କହୁ କହି ଦେଲି ସେ ଅକୁହା କଥା
ଅକୁହା ହେଲେ କି ହେବ ତୁଚ୍ଛା ସତ କଥା
ଜାଣିଛି ଲାଗିଥିବ ଶୁଣି ମନେ ତୁମ ବ୍ୟଥା
ବ୍ୟଥା ଲାଗିଲେ କି ହେବ ମରମ ବାରତା।।
ଭାବିଥିଲି କହିବିନି ମୋ ଅକୁହା ବେଦନା
କହିଲେ କି ହେବ ତୁମେ ମୋ କଥା ବୁଝନା
ବିଜନ ବେଳାର ତୁମେ ଜୀଵନ ସଙ୍ଗୀତ
ସଙ୍ଗୀତ ହେଲେ କି ହେବ ଭାଙ୍ଗିଛି ମୂର୍ଚ୍ଛନା ।।
ଅକୁହା କଥାର ସେ ଏକ ମରମ ଭାବନା
ନବୁଝି ସେ କଥାକୁ ମୋ ଅକଥା କରନା
ମିଛ ଦୁନିଆରେ ସତ୍ୟ ପ୍ରେମର ଭାବନା
ସତ୍ୟ ହେଲେ କି ହେବ ତୁମେତ ବୁଝନା ।।
କଥାର ସେ ପ୍ରହେଳିକା ଦିନେ ଲିଭିଯିବ ଶୂନ୍ୟେ
ପ୍ରଜ୍ଜ୍ଵଳିତ କରି ତାକୁ ତୁମେ ଜଳ କି କାରଣେ
ପ୍ରିୟତମା ପ୍ରିୟା ମୋର ବୁଝ ବାରେ ମରମ ମନର
ଅମୃତ ଏ ଜୀବନରେ ନ ଗୋଳ ଜହର ।।